अगिला महीना से पैन कार्ड मा होय जाइ रहे हय कई बड़े बदलाव; जानौ का-का बदलि जाई?

आधार कार्ड की नाईं आज पैन कार्डौ बहुत जरूरी दस्तावेज बनि गवा अहै। एका बिना रुपिया-पइसा से जुड़ा कउनो काम करब मुस्किल हय। अगिला महीना से पैन कार्ड से जुड़े कई बड़े बदलाव होय जाइ रहे हय। ई बदलाव क सीधा असर तोहरी जेब पर पड़ी। आवा ई बदलाव क बारे मा एक-एक कइके जानित अही।

Pan Card Rule changes: का-का बदलि जाई?

1 मई से अगर कउनो मनई 10 लाख रुपिया साल भर मा बैंक या पोस्ट ऑफिस मा नगद जमा करथि या निकालथि तौ ओका पैन क जानकारी देय का पड़ी। एका साथै अगर आप होटल, रेस्टोरेंट या कउनो उत्सव मा 1 लाख रुपिया से ढेर खरच करथिन तौ पैन कार्ड देय का पड़ी। अगर आप 5 लाख रुपिया से ढेर दाम वाली मोटर साइकिल या मोटर कार बिसाहथिन तौ पैन कार्ड देब जरूरी होय जाई। एका छोड़ि के, अगर आप 20 लाख से ढेर दाम क कउनो जमीन-जायदाद (प्रॉपर्टी) खरीदत हय तौ पैन देय का पड़ी। कुल मिलाइ के सरकार क नजर तोहरी हर बड़ी पेमेंट पर रही।

एका साथै 1 जनवरी 2026 से आधार से पैन लिंक करब जरूरी हय। अगर आप ई काम अभी तक नहीं कीन हय तौ आगे चलिके आपकय परेशानी होइ सकति हय।

Aadhaar Pan Linking कइसे करी?

स्टेप 1- सबसे पहिले इनकम टैक्स ई-फाइलिंग के पोर्टल पर जाव। अब अगर आप पहिली बार ई वेबसाइट पर आये हव तौ रजिस्ट्रेशन कइ लेव।

स्टेप 2- रजिस्ट्रेशन के बाद आपकय यूजर आईडी अऊ पासवर्ड से लॉगिन करे का परी।

स्टेप 3- अब हियाँ आपकय आधार लिंक वाले विकलप (ऑप्शन) पर क्लिक करे का परी। अगर ई विकलप नाहीं मिलत अहै तौ ‘माई प्रोफाइल’ (My profile) के ‘पर्सनल डिटेल्स’ (Personal Details) मा जाव। हियाँ आपकय ‘लिंक आधार’ (Link Aadhaar) वाला विकलप मिलि जाई।

स्टेप 4- एका बाद आधार नंबर भरि के, ‘वैलिडेट बटन’ (Validate Button) पर क्लिक करे का परी।

स्टेप 5- अंत मा आपकय एक संदेस देखाई परी। ओइमा लिखा रही कि तोहार आधार पैन से लिंक होय गवा हय। आधार अऊ पैन लिंक कय अरजी UIDAI कय पास जाथि। UIDAI एका जांच के बाद एका प्रोसेस करी अऊ रिएक्टिवेट कइ देई। एका साथै अब आपकय पैन-आधार लिंक करे बरे फीसौ देय का परी।