लखनऊ: 06 मई, 2026
उत्तर प्रदेश के आबकारी राज्यमन्त्री (स्वतंत्र प्रभार) नितिन अग्रवाल ने बताइन कि प्रदेश मा आबकारी विभाग ने पइसा के वसूली (राजस्व संग्रह) अउर नियम कानून लागू करइ मा बहुत बड़ी तरक्की कीन अअइ।
कमाई मा भारी बढ़ोत्तरी:
मन्त्री जी बताइन कि वित्तीय वर्ष 2025-26 मा मार्च 2026 तक कुल 57,722.26 करोड़ रुपये के राजस्व मिला अअइ। ई पिछले साल (2024-25) के मुकाबले 9.79 प्रतिशत यानी ₹5,149.19 करोड़ ज्यादा अअइ।
यही तना, नए साल 2026-27 के पहिले महीना यानी अप्रैल 2026 मा ही 5,248.06 करोड़ रुपये के कमाई भई अअइ, जउन पिछले साल के अप्रैल के मुकाबले 21.50 प्रतिशत ज्यादा अअइ। सरकार ने अप्रैल बरे ₹5,200 करोड़ के लक्ष्य रखा रहा, जेका विभाग ने पार कइ लीनिस अअइ।
अवैध शराब पर कड़ा प्रहार:
पइसा के साथ-साथ सरकार ने कच्ची अउर अवैध शराब के धंधा करइ वालेन पर भी कड़ा हंटर चलावा अअइ:
- मार्च 2026 तक के कार्यवाही: अवैध शराब के खिलाफ कुल 1,18,978 मुकदमे दर्ज कीन गइन। एही दौरान लगभग 30.94 लाख लीटर अवैध दारू बरामद भई। कुल 21,446 लोग पकड़े गइन, जेहमा से 3,967 लोगन का जेल भेजा गवा अउर तस्करी मा लगी 152 गाड़िन का जब्त कीन गवा।
- अप्रैल 2026 के अपडेट: खाली अप्रैल महीना मा ही 9,535 मुकदमे लिखे गइन अउर 2.55 लाख लीटर अवैध शराब पकड़ी गई। एही एक महीना मा 1,516 लोग गिरफ्तार भए, 214 लोग जेल गइन अउर 8 गाड़ियाँ पकड़ी गईं।
मन्त्री नितिन अग्रवाल ने साफ कहिन कि अवैध शराब के धंधा करइ वालेन का कतहुँ भी बकसा नाहीं जाई अउर विभाग अपनी पूरी ताकत से राजस्व बढ़ावै अउर तस्करी रोकइ मा जुटा रही।
– जनपद-लखनऊ
