गुजरात टाइटंस गुरुवार का अपने घर अहमदाबाद के नरेंद्र मोदी स्टेडियम मा रॉयल चैलेंजर्स बेंगलुरू का चार विकेट से हराय दिहिस। इके साथै गुजरात पिछले मैच मा मिली हार क बदला भी लै लिहिस। आरसीबी जउन 156 रन क टारगेट दिहे रहा, ओका गुजरात सहजे मा हासिल कइ लिहिस। इ मैच के बाद प्वाइंट्स टेबल मा जादा कुछ फरक नाय परा है। दुनौ टीमें अपनी-अपनी जगह पर टिकी हईं।
मुदा आरसीबी के पास जउन नंबर-1 बनै क मौका रहा, उ हाथ से निकलि गवा है। हार के बादौ आरसीबी दूसरे नंबर पर काबिज है। ओकरे नौ मैचन मा छह जीत अउर एक हार के बाद 12 अंक हईं। जउ उ गुजरात का हराय देती, तौ पंजाब किंग्स का हटाय के पहले नंबर पर पहुंच जाती। पंजाब के आठ मैचन मा छह जीत अउर एक हार के साथे 13 अंक हईं। ओकर एक मैच पानी बरसै के कारन रद होइ गवा रहा।
सनराइजर्स हैदराबाद की टीम नौ मैचन मा छह जीत अउर तीन हार से 12 अंक लेके तीसरे नंबर पर है। आरसीबी नेट रन रेट के मामले मा आगे है, इही नाते उ दूसरे नंबर पर बनी है। उहईं राजस्थान के भी 12 अंक हईं, मुदा ओकर नेट रन रेट आरसीबी अउर हैदराबाद से खराब है, इही से उ चौथे नंबर पर है। मैच खेलै अउर हार-जीत के मामले मा उ दुनौ टीमन के बराबरै है। आरसीबी का हरावै के बाद गुजरात के 10 अंक होइ गये हईं, जउन ओका नौ मैचन मा पांच जीत अउर चार हार के बाद मिले हईं। उ पहिले भी पांचवें नंबर पर रही अउर अबहूँ वही नंबर पर है।
आखिरी पांच मा हईं इ टीमें: पांच बार क चैंपियन चेन्नई सुपर किंग्स आठ मैचन मा तीन जीत अउर पांच हार से छह अंक लेके छठवें नंबर पर है। दिल्ली कैपिटल्स क स्थिति भी चेन्नई जइसनई है अउर उ सातवें नंबर पर है। कोलकाता नाइट राइटडर्स आठ मैचन मा दू जीत अउर पांच हार के बाद पांच अंक लेके आठवें नंबर पर है। मुंबई के हिस्सा मा भी आठ मैचन मा छह हार अउर दू जीत आई है, जेसे ओकरे चार अंक हईं अउर उ नौवें नंबर पर है। लखनऊ सुपर जायंट्स के आंकड़े भी मुंबई जइसनई हईं, मुदा नेट रन रेट मा उ पीछे है, इही नाते सबसे आखिरी यानी 10वें नंबर पर है।
