देहरादून समेत परदेस के अलग-अलग हिस्सा में आज झमाझम बरखा भइ। बरखा ने लोगन क उमस अउर गर्मी से राहत तौ दीन, लेकिन एक-दुइ दिन में सामान्य तापमान में एक से तीन डिग्री तक बढ़त होय क अंदेशा है। मौसम बदल गय अउर परदेस के अलग-अलग इलाकन में जोर-शोर से बरखा भइ। एकरे साथे कुछ दिन से बढ़ति गर्मी से लोगन क राहत मिला। मुदा इ हप्ता मैदानी इलाकन में गर्मी आपन तेवर देखा सकत है। मौसम बिग्यानियन ने तापमान में बढ़त होय क अनुमान लगावा है।
तापमान में बढ़त क अनुमान
मौसम बिग्यान केंद्र के मुताविक जारी पुरवानुमान के अनुसार एक-दुइ दिन में सामान्य तापमान में एक से तीन डिग्री तक क बढ़त होय सकत है। एकरे बाद दुइ-तीन दिन के भीतर अधिकतम तापमान में दुइ से तीन डिग्री तक अउर बढ़ोत्तरी होय क संभावना है।
पहाड़ी इलाकन में हल्की बरखा क अंदेशा
बीतल दिनन परदेस के ढेर सरे हिस्सा में भइ बरखा, बरफबारी अउर ओला गिरे क असर बीतल तीन दिन से मैदानी इलाकन के तापमान में देखल जा सकत है। देहरादून में दिन क अधिकतम तापमान सामान्य से तीन डिग्री नीचे दर्ज कीन जा रहा है। पहाड़ी इलाकन में इ अंतर अउर जादे देखल गय। सोमवार क भी पहाड़ी जिला के कुछ हिस्सा में हल्की बरखा होय क अंदेशा है। 4500 मीटर से जादे ऊंचाई वाले इलाकन में बरफबारी होय क अनुमान है। एकरे अलावा परदेस के कइयौ हिस्सा में 50 किलोमीटर प्रति घंटा के रफतार से आंधी-तूफान चलय क येलो अलर्ट जारी कइ दीन गय है।
