एमएस धोनी के ई रिकार्ड पर केएल राहुल कय नजर, चाहत अहैं माही भाई कय बराबरी करब

दिल्ली कैपिटल्स कय सलामी बल्लेबाज केएल राहुल ई साफ-साफ कहिन है कि बिना कौनों खिताब के निजी रिकॉर्ड कय कौनों मतलब नाहीं होत। उनकर मनै कय बड़ी इच्छा अहै कि महेंद्र सिंह धोनी के पांच आईपीएल खिताब कय बराबरी कीन जाय। आईपीएल म सबसे जादा रन बनावे वाले खिलड़िन कय लिस्ट म हालही म धोनी से आगे निकरे वाले राहुल ई उपलब्धि का कमै आँकिन अउर टीम का सबसे ऊपर रखे वाले आपन नजरिया का फिर से दोहराइन।

\n\n

ट्रॉफी जीतब सबसे जरूरी

\n\n

राहुल जिओस्टार से बतियात हुए कहिन कि, “हमार तौ पते नाहीं चला कि हम माही भाई से कब आगे निकर गय। अकेले कय रिकॉर्ड नीक तौ लागत हैं, इनसे ई भरोसा मिलत है कि हम सही डगर पे बढ़त अही। मुला हमका सबसे जादा खुशी तबै मिली जब हम धोनी भैया के बराबर ट्रॉफी जीत लेब।” ऊ आगे कहिन, “जब आपका कैरियर लंबा होत है तौ निजी रिकॉर्ड खास लागत हैं। ई बतावत हैं कि आपकी मिहनत रंग लाई है, मुला आखिर म क्रिकेट तौ टीम कय खेल अहै। आप ट्रॉफी जीतय चाहत हौ अउर एक सफल टीम बनय चाहत हौ। बस यही हमार गोल अहै।”

\n\n

राहुल के पास जादा टेम नाहीं अहै

\n\n

राहुल अबहीं तक आपन कैरियर म एकौ आईपीएल ट्रॉफी नाहीं जीते हैं। अइसन म अगर उनका धोनी कय बराबरी करय कय है तौ आपन कैरियर काफी लंबा खींचय का परी। ऊ ई समय 34 साल कय हैं अउर देखा जाय तौ अबहिन पांच साल कय क्रिकेट उनम अउर बचा अहै। यानी राहुल का धोनी कय बराबरी करय बरे लगातार पांच आईपीएल ट्रॉफी जीतय का परी, या फिर आपन कैरियर का धोनी कय तरह अगाड़ी बढ़ावय का परी।

\n\n

एकरे बरे उनका इंटरनेशनल क्रिकेट का अलविदा भी कहय का पड़ि सकत है। धोनी भी साल 2020 म इंटरनेशनल क्रिकेट का अलविदा कहि दिहे रहे, ओकरे बादौ ऊ लगातार आईपीएल खेलत अहैं। ई सीजन म उनका चोट लागि गय है जेकरे मारे ऊ अबहीं तक ई सीजन कय पहिला मैच नाहीं खेल पाए हैं।