जानकारी बरे बताइ दी कि आम आदमी पार्टी सांसद राघव चड्ढा का डिप्टी लीडर पद से हटाय दिहिस है। पार्टी राज्यसभा सचिवालय का यहि बारे मा एक पत्र भेजिस है। अब अशोक मित्तल राज्यसभा मा आम आदमी पार्टी कइँती से उपनेता होइहैं।
आम आदमी पार्टी राज्यसभा सचिवालय का सूचना दिहिस है कि सांसद राघव चड्ढा का संसद मा बोलै बरे समय नाहीं दीन जाय। एकरे अलावा, आम आदमी पार्टी राज्यसभा सचिवालय का एक पत्र सौंपि के सांसद अशोक मित्तल का पार्टी क उप-नेता बनावै क अरजी दिहिस है।
आप सूत्रन क जानकारी: आम आदमी पार्टी राज्यसभा सचिवालय का बताय दिहिस है कि सांसद राघव चड्ढा का संसद मा बोलै क मौका न दीन जाय। अउर, आम आदमी पार्टी राज्यसभा सचिवालय का सांसद अशोक मित्तल का पार्टी क उप-नेता नियुक्त करै बरे पत्र दइ दिहिस है…
मोबाइल उपभोक्ता मनई का मिलै डाटा रोलओवर क सुबिधा – राघव चड्ढा
आम आदमी पार्टी (आप) क सांसद राघव चड्ढा पिछलें दिनन मा राज्यसभा मा टेलीकॉम कंपनिन क डाटा खरच करै क तरीका पर सवाल उठायेन रहा। ऊ कहे रहे कि जौन डाटा उपभोक्ता इस्तेमाल नाहीं कइ पावत हैं, ऊ खतम नाहीं होय के चाही, बलुक अगले दिन बरे बचा रहय के चाही।
अबहीं तौ रोज मिलै वाला डाटा रात 12 बजे के बाद खतम होइ जात है, जबकि एकरे बरे मनई पहिले ही पइसा दइ चुकि रहत हैं। यहि नाते एकर फायदा कंपनिन का नाहीं, बलुक ग्राहकन का मिलै के चाही। चड्ढा सलाह दिहिन रहा कि बचे हुए डाटा के आधार पर अगले महीना रिचार्ज मा छूट दीन जाय अउर ग्राहकन का डाटा रोलओवर क सुबिधा मिलै।
ऊ इहौ कहे रहे कि मनई का आपन बचा हुआ डाटा दूसर मनई का भेजै क अधिकार भी मिलै के चाही। आप सांसद अमेरिका, यूरोप, नीदरलैंड अउर ऑस्ट्रेलिया क उदाहरण देत भए कहेन कि हुवाँ अइसन सुबिधा पहिले से मौजूद है।
