कॉकरोच जनता पार्टी की जंतर-मंतर पर पहली रैली: शिक्षा मंत्री धर्मेंद्र प्रधान के इस्तीफे की माँग

दिल्ली के जंतर-मंतर पर आज कॉकरोच जनता पार्टी के बैनर तले भइल प्रदर्शन न केवल राष्ट्रीय राजनीति में हलचल मचा दिहस है, बल्कि देस के सामाजिक अउर युवा विमर्श का एक नवा दिसा भी दिहस है। एक नवा नवेली पार्टी के पहिलवे कार्यक्रम में जइसेन युवाओं के भारी भीड़ उमड़ि, ओसे पारंपरिक राजनीति खातिर साफ संदेसा मिलि गवा है कि जेन-जी अब नवा तरह के राजनीति अउर नवा चेहरन के तलाश में है। जंतर-मंतर पर जुटे प्रदर्शनकारियन के मुख्य माँग केंद्रीय शिक्षा मंत्री धर्मेंद्र प्रधान के इस्तीफा रही। प्रदर्शनकारियन जोरदार नारेबाजी करत शिक्षा व्यवस्था में लगातार सामने आवत खामियन अउर नाकामियन का मुद्दा बनाइन। युवाओं के आरोप है कि धर्मेंद्र प्रधान के कार्यकाल में शिक्षा माफिया के प्रभाव बढ़ि गवा है, कबहीं पेपर लीक त कबहीं सिस्टम के लापरवाही के कारन छात्रन के भविष्य लगातार संकट में पड़ा है। प्रदर्शन में सामिल युवाओं के कहना रहा कि अइसन परिस्थिति में शिक्षा मंत्री का पद पर बने रहै के कउनो नैतिक अधिकार नाहीं है।

सबरसे ज्यादा चर्चा ई बात के रही कि सोशल मीडिया अउर ऑनलाइन अभियान से जनमल कॉकरोच जनता पार्टी अपने पहिलवे जमीनी प्रदर्शन में इतनी बड़ी भीड़ कइसे जुटाई ली? इससे ई संकेत भी मिलि कि डिजिटल मंचन पर चलय वाले अभियान अब सड़कन पर भी असर देखावय लागिन है। हालाँकि राजनीतिक विश्लेषकन के मानब है कि ई नवा पार्टी के वास्तविक ताकत अउर भविष्य के आकलन करब अभी जल्दबाजी होई। दिलचस्प बात ई भी है कि अपने ई कार्यक्रम का सफल बनावय खातिर कॉकरोच जनता पार्टी कांग्रेस के युवा इकाई अखिल भारतीय युवा कांग्रेस से समर्थन माँगा रही, लेकिन युवा कांग्रेस इससे दूरी बनाय के फैसला कइ लिहस।

प्रदर्शन अउर सुरक्षा व्यवस्था

उधर, प्रदर्शन का देखत दिल्ली पुलिस राजधानी में सुरक्षा व्यवस्था कड़ी कइ दिहस है। प्रधानमंत्री नरेंद्र मोदी, गृह मंत्री अमित शाह अउर शिक्षा मंत्री धर्मेंद्र प्रधान समेत कई महत्वपूर्ण नेता के आवास के बाहर अतिरिक्त पुलिस बल तैनात कइ दी गवा है। इससे पहिले दिल्ली उच्च न्यायालय प्रदर्शन के संबंध में भीड़ नियंत्रण अउर रोकथाम के उपायन के माँग करय वाली जनहित याचिका पर तत्काल सुनवाई से इनकार कइ दिहस रहा। एकरे बाद दिल्ली पुलिस कॉकरोच जनता पार्टी के संस्थापक अभिजीत दिपके का प्रदर्शन के अनुमति दे दिहस। उधर, अमेरिका से नई दिल्ली पहुँचै अभिजीत दिपके के इंदिरा गांधी अंतरराष्ट्रीय हवाई अड्डा पर जोरदार स्वागत भवा अउर सुरक्षा व्यवस्था के बीच उनका प्रदर्शन स्थल खातिर रवाना कइ दी गवा।

हवाई अड्डा से बाहर निकलत समय अभिजीत दिपके पत्रकारन से कहेन कि शिक्षा मंत्री का तत्काल इस्तीफा देय चाही काहे से पाँच छात्रन आत्महत्या कइ लिहें है। उ ई मुद्दा का युवा अउर छात्रन के भविष्य से जुड़ा गंभीर मामला बताइन। दिपके प्रदर्शनकारियन से शांतिपूर्ण ढंग से विरोध करय के अपील कइरेन। उ समर्थखन से कहेन कि उ अपने साथ किताब अउर तिरंगा लेके आवें। साथ ही उ सुरक्षा कर्मियन के सम्मान में फूल लाय के भी अपील कइरेन ताकि आंदोलन पूरी तरह शांतिपूर्ण अउर अनुशासित बना रहे।

आंदोलन के स्वरूप अउर पृष्ठभूमि

उधर, जंतर-मंतर पर मौजूद कॉकरोच जनता पार्टी के प्रमुख सदस्य सौरव दास भी शिक्षा मंत्री धर्मेंद्र प्रधान पर निसाना साधिन। उ कहेन कि मंत्री अयोग्य साबित भये हैं अउर उनका या त खुद इस्तीफा देय चाही या प्रधानमंत्री नरेंद्र मोदी का उनका मंत्रिमंडल से हटाय देय चाही। सौरव दास कहेन कि जवाबदेही अउर सहयोग के संस्कृति का मजबूत करब जरूरी है। उ ई भी साफ कइ दिहिन कि ई युवाअन द्वारा चलाय जाय वाला राजनीतिक आंदोलन है अउर प्रदर्शनकारी पुलिस के साथ पूरा सहयोग करिहें।

हम आपन का बताइ दें कि कॉकरोच जनता पार्टी सोशल मीडिया पर भी अपने आंदोलन का तेज कइ दिहस है। पार्टी के आधिकारिक संदेसा में कहि गवा कि भारतीय संविधान के पूर्ण समर्थन के साथ जंतर-मंतर पर सबेरे दस बजे से प्रदर्शन सुरु कइ दी गवा। ई दौरान अभिजीत दिपके का डॉक्टर भीमराव आंबेडकर के आत्मकथा हाथ में लिये देखा गवा। उनकर साथ पार्टी के प्रवक्ता अउर मुख्य सदस्य आशुतोष रांका भी मौजूद रहे।

हम आपन का बताइ दें कि कॉकरोच जनता पार्टी के सुरुआत एक व्यंग्यात्मक ऑनलाइन अभियान के रूप में भई रही। ई अभियान ओ समय चर्चा में आवा जब प्रधान न्यायाधीश सूर्यकांत एक सुनवाई के दौरान फर्जी कानून डिग्री वाले कुछ बेरोजगार युवाअन के तुलना कॉकरोच से कइ दिहिन रहे। ई टिप्पणी के बाद सोशल मीडिया पर व्यापक बहस सुरु भई अउर धीरे-धीरे ई व्यंग्यात्मक राजनीतिक आंदोलन के रूप में सामने आवा। आंदोलन का सामाजिक कार्यकर्ता सोनम वांगचुक अउर अभिनेता प्रकाश राज जइसेन कई चर्चित लोगन के समर्थन भी मिला।

उधर, अभिजीत दिपके के पृष्ठभूमि भी चर्चा के विषय बनी है। पुणे में पत्रकारिता के पढ़ाई करय के बाद उ उच्च शिक्षा खातिर अमेरिका चलि गयें। वर्तमान में उ बोस्टन विश्वविद्यालय में जनसंपर्क विषय में परास्नातक के पढ़ाई करत हैं। साल 2020 से 2023 तक उ आम आदमी पार्टी के सोशल मीडिया टीम के साथ भी काम कइ रहे। दिल्ली विधानसभा चुनाव के दौरान उ युवा मतदाताअन का आकर्षित करय वाले हास्य अउर मीम आधारित प्रचार अभियान में भूमिका निभाई रहे।

वही, ई आंदोलन के तेजी से बढ़त प्रभाव अभिजीत दिपके के परिवार के चिंता भी बढ़ाय दिहस है। महाराष्ट्र के छत्रपति संभाजीनगर में रहय वाले उनकर माता-पिता भगवान दिपके अउर अनीता दिपके एक मराठी टीवी समाचार चैनल से बातचीत में कहेन कि उनका डर है कि राजनीतिक व्यंग्य के कारन उनकर बेटा कानूनी विवाद या गिरफ्तारी के सामना कइ सकत है। हालाँकि एकरे बावजूद कॉकरोच जनता पार्टी के समर्थखन के उत्साह लगातार बढ़त दिखात है अउर जंतर-मंतर के ई प्रदर्शन अब राष्ट्रीय स्तर पर चर्चा के केंद्र बन गवा है।