दक्खिन अमेरिका के बीच कोलंबिया मा एक कोयला के खदान मा भये धमाका मा चार मज़दूरन कय मौत होइ गय है। यहु वही इलाका है जहंवा एक हफ्ता पहले भी अइसन घटना भई रही, जवने मा नौ जने कय जान चली गय रही। कुंडिनामारका क्षेत्र के गवर्नर जॉर्ज एमिलियो रे, X प्लेटफॉर्म पर पोस्ट कइके बताइन कि कुकुनुबा इलाका के लास क्विंटास खदान मा फँसे चार मज़दूरन कय लाश मिल गय है।
घटना के समय 500 मीटर जमीन के नीचे रहे मज़दूर
कुंडिनामारका रिस्क मैनेजमेंट ऑफिस घटना कय लेके कहे है कि उंय आपात स्थिति से निपट रहे हैं। एहिके साथ ही स्थानीय मीडिया बताइस कि घटना के समय मज़दूर जमीन के नीचे लगभग 500 मीटर (1,650 फीट) कय गहराई मा रहे। हालांकि, धमाका कय कारण अभी साफ नाय होइ पाय है, लेकिन कोलंबिया के एह इलाका मा खदान दुर्घटनाएं आम बात है। उहवां के लोगन कय मानैं तव, ये दुर्घटनाएं उ अवैध या छोट स्तर पर चलय वाली खदानन मा खराब वेंटिलेशन (हवा कय आवागमन) के कारण होत है, जवन बिना परमिट के चलत हैं अउर सुरक्षा मानकन कय पूरा करय मा फेल रहत हैं।
एहसे पहले 4 मई का, कुंडिनामारका के ही सुताताउसा नगर पालिका मा एक अउर कोयला खदान मा धमाका भवा रहा। उ घटना मा नौ जने कय मौत होइ गय रही अउर छः जने का बचाय लीन गय रहा।
