द हंड्रेड फ्रेंचाइजी लंदन स्पिरिट क अध्यक्ष जूलियन मेथेरेल ई साल अक्टूबर से तीन साल बरे मेरिलबोन क्रिकेट क्लब (एमसीसी) क अगिला अध्यक्ष बनिहैं। उ इंग्लैंड क पूर्व बल्लेबाज एड स्मिथ क जगह लिहिएं। मेथेरेल पाछिल 40 साल से एमसीसी क सदस्य अहैं अउर 2025 एजीएम मा सदस्यन से हरी झंडी मिलै क बाद ई समिति मा सामिल भवा रहिन। स्मिथ नवा अध्यक्ष क तौर पर उनकर नांव आगे बढ़ाइन।
हमार बरे बड़े सम्मान क बात
1787 मा बनल एमसीसी नामी लॉर्ड्स क्रिकेट ग्राउंड क मालिक अहै अउर खेल क नियमन क रखवारा अहै। मेथेरल कहिन कि एमसीसी अध्यक्ष क भूमिका सम्हारब हमरे बरे बहुतै मान-सम्मान क बात अहै। हम उन कई क्रिकेट दिग्गजन क रस्ता पर चलित अही, जौन पहिले ई जिम्मेदारी बखूबी निभाय चुके अहैं। एमसीसी से हमार बहुत पुरान नाता अहै अउर लॉर्ड्स मा बितावा गवा समय अउर हुवाँ क यादें हमरे बरे बहुतै खास अहैं।
कइसन रहा करियर
मेथेरल आपन पूरा करियर फाइनेंस क्षेत्र मा बिताइन अहैं। उ 1999 से 2011 तक गोल्डमैन साच्स मा पार्टनर भी रहिन। ई दौरान उ 2006 से 2011 तक यूके इनवेस्टमेंट बैंकिंग डिवीजन क मुख्य कार्यकारी अधिकारी (CEO) क पद भी सम्हारिन। उ जेनेल एनर्जी मा मुख्य वित्तीय अधिकारी (CFO) क जिम्मेदारी भी निभाइन। एकरे अलावा उ कैम्ब्रिज यूनिवर्सिटी मा जज बिजनेस स्कूल क एडवाइजरी बोर्ड क मुखिया भी रहिन। साथै-साथ उ प्रोफेशनल क्रिकेटर्स एसोसिएशन मा नॉन-एक्जीक्यूटिव चेयरमैन क पद पर भी रहि चुके अहैं।
