पर्यटन विभाग द्वारा वित्तीय वर्ष 2025-26 मा राज्य योजना के तहत गोरखपुर मण्डल के महराजगंज जिला बरे पर्यटन विकास के 09 योजनन बरे ₹686 लाख के मंजूरी दीन गई अअइ। इन योजनन के जरिया यहाँ के पुरान अउर धार्मिक जगह का सुंदर बनावै अउर हुवां जरूरी सुविधायन उपलब्ध करावै के काम कीन जाई। पिछले 09 बरिसन मा महराजगंज जिला मा सड़क, बिजली अउर तीरथन के सुघराई के चलते बहुत बड़ा बदलाव आवा अअइ। कानून व्यवस्था नीक होय के साथै-साथे आवइ-जाइ के साधन बढ़े अहैं, जेहसे पर्यटकों के संख्या मा बहुत बड़ी बढ़ोत्तरी भई अअइ।
ई जानकारी प्रदेश के पर्यटन अउर संस्कृति मन्त्री श्री जयवीर सिंह दिहिन। ऊ बताइन कि महराजगंज के सिसवा मनिपरगढ़ मन्दिर रूद्धरौली निचकौट के विकास बरे ₹99 लाख, पनियरा के विकास खण्ड परतावल मा राम जानकी मन्दिर बरे ₹54 लाख, नौतनवां सोनौली स्थित देवस्थान चांचाई माता मन्दिर बरे ₹1 करोड़, सदर महराजगंज मा बेलहिया प्राचीन पीठ श्रीराम जानकी मन्दिर बरे ₹87 लाख अउर फरेन्दा विधानसभा के तहत दुर्गा मन्दिर के विकास बरे ₹70 लाख के रुपिया मंजूर कीन गइन अहैं।
श्री जयवीर सिंह बताइन कि एही तना पनियरा के हनुमान मन्दिर बरे ₹26 लाख, जगन्नाथ भगवान मन्दिर धाम व बड़हरा महन्त बरे ₹58 लाख, सिसवा ग्राम सभा रूद्रापुर मा बनदेवी स्थान बरे ₹60 लाख अउर फरेन्दा ग्राम सिमरहवा मा स्थित प्राचीन शिव मन्दिर मा कइयौ तरह के सुविधायन बरे ₹172 लाख के बजट स्वीकृत कीन गवा अअइ। ऊ बताइन कि इन सब योजनन बरे ‘सीएनडीएस’ (CNDS) का कार्यदायी संस्था नामित कीन गवा अअइ। कार्यदायी संस्था का हुक्म दीन गवा अअइ कि योजना से जुड़े सब काम बढ़िया क्वालिटी के साथे अउर तय बखत मा पूरा करइ का पक्का करइँ।
पर्यटन मन्त्री बताइन कि इन सब योजनन का पूरा करइ मा क्वालिटी पर खास ध्यान देइ के कड़े हुक्म दीन गइन अहैं। मा0 मुख्यमन्तरी योगी जी के अगुवाई मा पूरे प्रदेश मा पर्यटन विकास के योजना चलाई जाइ रही अहैं, जेकर असली मकसद हमार पुरान अउर सांस्कृतिक धरोहर का सुरक्षित रखिके नई पीढ़ी का सौंपब अअइ। एकरे साथे पर्यटन मा काम-धंधा अउर कमाई के बड़े मौकन का देखत भए ई सब काम करवाए जाइ रहे अहैं। इन योजनन से गाँव के लोगन का रोजगार के नवा मौके मिलिहैं अउर यहाँ के अर्थव्यवस्था का मजबूती मिली।
