जिन्दगि भर धोती रहिन उनकी पहचान, गांधी जी के एक अवाज़ पर भारत का दीन मसहूर स्वदेसी कपड़ा ब्रांड

भारत मा गारमेंट्स इंडस्ट्रीज पिछिला ३० सालन मा बहुतै तेजियै से उभरी है। ई बीच देस के जवानन का कईठौ आइकॉनिक ब्रांड मिलिन। इनमा फ्लाइंग मशीन (Flying Machine) अउर रफ एंड टफ (Ruf Tuf) के नांव भी सामिल अहैं।

का आप का पता है कि जौन मनई जींस, टीशर्ट, सल्ट अउर दूसरे फैशन वाले कपड़ा बनाइन, उ खुदै जिन्दगि भर धोतियै पहिरिन, पर देस के जवानन का टॉप अपैरल ब्रांड दिहिन। हम बात करत अही मसहूर टेक्सटाइल्स ब्रांड, अरविंद मिल्स के फाउंडर कस्तूर भाई लालभाई (Kastur Bhai Lal Bhai) के बारे मा, जौन भारत के दिग्गज उद्योगपतियन मा से एक रहिन। कस्तूरभाई लालभाई भारत के मसहूर उद्योगपति होय के साथे-साथ समाज सेवकौ रहिन। उनका मुख्य रूप से भारत की टेक्सटाइल इंडस्ट्रीज का नई ऊंचाइन पर लै जाय अउर देस मा वर्ल्ड क्लास एजुकेशन इंस्टीट्यूशंस की नेव रक्खै बरे जानल जात है।

कैसें शुरू भवा कपड़ा के कारोबार

कस्तूर भाई लालभाई का कपड़ा के ब्योपार पुरखौती मा मिला रहा। असल मा, उनके बापा लालभाई दलपत भाई भारत मा १८९७ मा कपड़ा मिल शुरू करिन। ई उ दौर रहा जब भारत मा मैन्युफैक्चरिंग के काम नाहीं के बराबर रहा। उ समइ उ आपन पहिली कपड़ा मिल, सारसपुर मैन्युफैक्चरिंग कंपनी की शुरुआत करिन। कस्तूर भाई लाल भाई अपने बापा से मिलल ई ब्योपार का खूब आगे बढ़ाइन अउर बुलन्दियन तक पहुँचाए दिहिन।

भारत मा आजादी की लड़ाई के टेम कस्तूर भाई लाल भाई सन १९३१ मा महात्मा गांधी के स्वदेसी आह्वान के अवाज़ पर अरविंद मिल्स के स्थापना करिन। ई कंपनी अब भारत के सबसे बड़े कपड़ा समूहन मा से एक अहै अउर दुनिया के सबसे बड़े डेनिम बनावै वालन मा गिनी जात है।

अहमदाबाद का बनाइन भारत के मैनचेस्टर

देस आजाद होय के बाद अउर टेक्सटाइल्स इंडस्ट्री मा बड़ी कामयाबी मिलै के बाद कस्तूरभाई लालभाई ‘अतुल प्रोडक्ट्स लिमिटेड’ के स्थापना करिन। बाहर से आवै वाले रंगन अउर रसायनों पर देस की निर्भरता कम करै के मकसद से ई कंपनी शुरू कीन गय रही। कहल जात है कि अहमदाबाद का भारत के मैनचेस्टर बनावै मा कस्तूरभाई अउर उनके परिवार का बहुतै बड़ा जोगदान रहा है। काहे से, उ अपने ब्योपार का खाली मुनाफे तक सीमित नाहीं रक्खिन, बल्कि स्वदेसी उद्योग का भी मजबूत करिन।

Strong>जींस ब्रांड कमाइस नाम

टेक्सटाइल्स इंडस्ट्री मा बड़ा मुकाम हासिल करै के बाद अरविंद मिल्स डेनिम फेबरिक (जींस के कपड़ा) के ब्योपार शुरू करिस अउर साल १९८० मा Flying Machine नाम से भारत के पहिला डेनिम फेबरिक ब्रांड लॉन्च कीन। आज के तारीख मा भारत मा ई मसहूर जींस ब्रांड अहै। दुख की बात ई है कि जौन साल अरविंद मिल्स जींस के कपड़ा के काम शुरू करिस, उही साल कस्तूर भाई लाल भाई का देहांत होइ गवा। उ भले ई दुनिया छोड़ि गइन, पर देस के टेक्सटाइल्स इंडस्ट्री अउर फैमिली बिजनेस का बुलन्दियन पर पहुँचाए दिहिन।

अरविंद मिल्स के बड़ा कारोबार

सन १९३१ मा खड़ि भई अरविंद मिल्स का अब अरविंद लिमिटेड के तौर पर जानल जात है। ई कंपनी के अपने मसहूर ब्रांड- फ्लाइंग मशीन, न्यूपोर्ट, एक्सालिबर अउर रफ एंड टफ अहैं। एकरे अलावा, कंपनी Arrow, यू.एस. पोलो असोसिएशन, टॉमी हिलफिगर, केल्विन क्लाइन, ली अउर रैंगलर जइसन इंटरनेशनल ब्रांड भी मैनेज करत है।