अमेरिकी राष्ट्रपति डोनल्ड ट्रंप इहां मानि लिहिन हय कि इजराइल क प्रधानमंत्री बेंजामिन नेतन्याहू के साथ फोन पर भई बातचीत मय ऊ नेतन्याहू क अपशब्द कहे रहे। ट्रंप यह टिप्पणी इजराइल द्वारा लेबनान मय बढ़त सैन्य कार्रवाई क लेके नाराजगी जतात भये रहे। न्यूयॉर्क पोस्ट के एक पॉडकास्ट मय बातचीत के दौरान ट्रंप कहे, “मय गुस्सा नाहीं रहेउँ, लेकिन थोड़ा परेशान जरूर रहेउँ। ऊ लगातार लेबनान के साथ लड़ाई बढ़ावत रहे। मय कहेउँ, बीबी, हमका ई रोके क पड़ी।” हालांकि, ट्रंप ईहो साफ कइ दिहिन कि उनके अउर नेतन्याहू क रिश्ता अबहुँ नीक हय। ऊ कहे, “हम साथ मय नीक काम करे अही… मोका बीबी बहुत पसंद अहीं।”
ट्रंप अपनी गलती मानि लिहिन
Axios के रिपोर्ट के मुताबिक, ट्रंप अउर नेतन्याहू के बीच बातचीत काफी तनावपूर्ण रही। रिपोर्ट मय अमेरिकी अधिकारी अउर बातचीत से जुड़ल सूत्रन के हवाले से ई दावा कइ गय कि ट्रंप नेतन्याहू से कहे, “तू पागल होइ गय अहा। अगर मय नाहीं होत तौ तू जेल मय होत। मय तोहरे बचाव करत अही। अब हर कोई तोहरे से नफरत करत हय अउर यहि वजह से इजराइल से भी।” रिपोर्ट के अनुसार, एक समय ट्रंप इत्तो नाराज होइ गय कि ऊ नेतन्याहू से पूंछे, “तू आखिर करत का अहा?” रिपोर्ट मय ई कहा गय हय कि ट्रंप का पता रहे कि ईरान समर्थित संगठन हिजबुल्लाह लगातार इजराइल पर हमला करत रहा अउर इजराइल का जवाबी कार्रवाई करय क अधिकार हय। लेकिन ट्रंप का लाग कि नेतन्याहू हाल के दिनन मय जरूरत से ज्यादा आक्रामक रुख अपनावत अहीं। फोन कॉल के बाद ट्रंप दावा करे कि ऊ नेतन्याहू से बेरूत पर बड़े हमला से बचे क कहे अउर इजरायली सेना पीछे हट गय। ट्रंप अपने सोशल मीडिया प्लेटफॉर्म ट्रुथ सोशल पर लिखिन, “मय बीबी नेतन्याहू से बात करेउँ अउर उनसे बेरूत पर बड़ा हमला न करय क कहेउँ। ऊ अपनी सेना पीछे हटाइ लिहिन। धन्यवाद, बीबी!”
हिजबुल्लाह से भी बातचीत क दावा
ट्रंप ईहो दावा करे कि ऊ हिजबुल्लाह के प्रतिनिधिअन से बात करे रहे, जवने के बाद दुनु पक्ष गोलीबारी रोके पर सहमति जतइ लिहिन। ऊ कहे, “देखत अही ई शांति कतने समय तक रहत हय, उम्मीद हय हमेशा खातिर।” इजरायली प्रधानमंत्री नेतन्याहू ट्रंप के साथ बातचीत क पुष्टि तौ करे, लेकिन ऊ इसे अलग अंदाज मय पेश करे। नेतन्याहू कहे कि ऊ ट्रंप से साफ कहे रहे कि अगर हिजबुल्लाह के हमला नाहीं रुकत हय तौ इजराइल बेरूत मय कार्रवाई करी।
