दिल्ली वालेन का गर्मी से मिली राहत, आज छाये रहिहैं बदरा…

दिल्ली मा बुध के भिनसार बदरा छाये रहे अउर मौसम विभाग वाले दिन भर गरजि के साथ छींटा पड़य अउर बरखा होय के अनुमान जताये हैं। दिल्ली मा कम से कम तापमान सामान्य से एक डिग्री ज्यादा 26.4 डिग्री सेल्सियस दर्ज कीन गा, जबकि जादा से जादा तापमान 39 डिग्री सेल्सियस के आसपास रहे के उम्मीद है।

सहर के अलग-अलग मौसम केंद्रन के आंकड़ा मा कम से कम तापमान मा फरक देखै का मिला। सफदरजंग मा कम से कम तापमान सामान्य से 1.0 डिग्री ज्यादा 26.4 डिग्री सेल्सियस दर्ज कीन गा, जबकि पालम मा ई सामान्य से 0.8 डिग्री कम 24.6 डिग्री सेल्सियस रहा। वहीं, लोधी रोड मा कम से कम तापमान सामान्य से 2.4 डिग्री ज्यादा 26.8 डिग्री सेल्सियस, रिज मा सामान्य से 0.5 डिग्री कम 23.2 डिग्री सेल्सियस अउर आयानगर मा सामान्य से 1.8 डिग्री ज्यादा 25.4 डिग्री सेल्सियस दर्ज कीन गा।

दिल्ली के हवा की सुचिता (एक्यूआई) भिनसार 148 दर्ज कीन गा, जउन मध्यम श्रेणी मा आवत है। केंद्रीय प्रदूषण नियंत्रण बोर्ड (सीपीसीबी) के मानक के हिसाब से, शून्य से 50 के बीच एक्यूआई का नीक, 51 से 100 के बीच संतोषजनक, 101 से 200 के बीच मध्यम, 201 से 300 के बीच खराब, 301 से 400 के बीच बहुत खराब अउर 401 से 500 के बीच गंभीर मानत हैं।