मध्य परदेस क धार मा स्थित भोजसाला का लइके हाई कोर्ट एक्ठु बहुत बड़ फइसला सुनाइस है। कोर्ट भोजसाला क वैज्ञानिक सर्वे क बदे एएसआई (ASI) का निर्देश दइ दिहिस है। इ फइसला आवै क बाद हिंदू पक्ष मा खुसी क लहर दउड़ि परी। भोजसाला परिसर मा ‘जय श्रीराम’ क नारा लाग अउर हनुमान चालीसा क पाठ कीन गवा। हिंदू पक्ष क वकील विष्नु संकर जैन एका एक्ठु बहुत बड़ जीत बताइन है।
सच्चाई सामनइ आवै क उम्मीद
वकील साहब क कहब है कि एएसआई सर्वे से अब सच्चाई सामनइ आइ। गौर करइ वाली बात इ है कि भोजसाला का लइके हिंदू अउर मुस्लिम पक्ष क बीच मा बहुतै दिनन से बिवाद चलत आवत है। हिंदू पक्ष एका वाग्देवी क मंदिर मानत है, जबकि मुस्लिम पक्ष एका कमाल मौला क मस्जिद बतावत है। हाई कोर्ट क इ आदेस क बाद अब ई उम्मीत जागी है कि सर्वे से दूध क दूध अउर पानी क पानी होइ जाई।
