पंजाब में बदल जाई मौसम: बरखा और तेज हवा से मिलि गर्मी से राहत

कई जिलन में 40 से 50 किलोमीटर प्रति घंटा के रफतार से तेज हवा चल सकत हैं। मनईन क भीषण गर्मी से राहत मिलि और तापमान में 3 से 4 डिग्री तक की गिरावट होइ सकत है।

पंजाब में मौसम क मिजाज बदल गवा है। आज पच्छिमी विक्षोभ क सक्रिय होए से राज्य में अगला चार दिन तेज हवा के साथ पानी बरसे क संभावना है। एकरे पहिले देर रात कई इलाकन में बरखा भई रही। मौसम बिभाग क अनुसार एकरे से मनईन क भीषण गर्मी से राहत मिलि और तापमान में 3 से 4 डिग्री तक की गिरावट होइ सकत है। बिभाग क मुताबिक कई जिलन में 40 से 50 किलोमीटर प्रति घंटा के रफतार से तेज हवा चल सकत हैं।

इत्तार (रविवार) क हालाँकि पूरा पंजाब में मौसम सूखा बना रहा। एकरे चलत राज्य क अधिकतम तापमान में 0.3 डिग्री क बढ़ोतरी दर्ज कीन गई। एकरे बावजूद तापमान सामान्य से 2.8 डिग्री नीचे बना है। इत्तार क पंजाब में सबसे जियादा 42.8 डिग्री तापमान फरीदकोट में दर्ज कीन गवा। वहीं न्यूनतम तापमान में भी करीब 2 डिग्री क बढ़ोतरी भई और ई सामान्य से 2.4 डिग्री जियादा रिकॉर्ड कीन गवा। सबसे कम 21.3 डिग्री न्यूनतम तापमान एसबीएस नगर में दर्ज कीन गवा।

अमृतसर क अधिकतम तापमान 35.9 डिग्री, लुधियाना क 35.6 डिग्री, पटियाला क 35.8 डिग्री और बठिंडा क 39.2 डिग्री दर्ज कीन गवा। वहीं अमृतसर क न्यूनतम तापमान 25.4 डिग्री, लुधियाना क 24.6 डिग्री और पटियाला क 24.8 डिग्री रिकॉर्ड कीन गवा। मौसम बिभाग मनईन क तेज हवा और पानी बरसे क दौरान सतर्क रहे क सलाह दइ है।