पॉलीटेक्निक मा पढ़ाई करे क चाहत रखे वाले लरिकन के तईं एक नीक खबर है। उत्तर प्रदेश संयुक्त प्रवेश परीक्षा परिषद (पॉलीटेक्निक)-2026 मा ऑनलाइन आवेदन करे क आखिरी तारीख अब छात्रन के हित मा बढ़ाइ दीन गई है। अब अभ्यर्थी 10 मई 2026 तक अपना फॉर्म ऑनलाइन भरि सकत हैं।
संस्थान के सचिव संजीव कुमार सिंह जी बताएन् कि पहिले फॉर्म भरे क आखिरी तारीख 30 अप्रैल रही, लेकिन लरिकन अउर संस्थानन क माँग देखत हुए ई समय सीमा बढ़ाई गई है। परिषद कहिस है कि अब फॉर्म भरे मा खाली तीन दिन बचा है, ओकरे तईं आखिरी तारीख क इंतजार करे बिना फौरन आवेदन कइ दीन जाय।
गलती सुधारे क भी मिली मौका: अगर फॉर्म भरत समय कउनो गलती होइ गई है, त ओका सुधारे क मौका भी दीन जाई। अभ्यर्थी 08 मई से 11 मई 2026 के बीच अपने आवेदन मा जरूरी सुधार (Correction) कइ सकत हैं।
खास जानकारी:
- सीट अउर दावेदार: यूपी मा कुल 2,71,093 सीटें हैं, जेके बदले अब तक 3 लाख 80 हजार से जादा लरिका फॉर्म भरि चुके हैं।
- प्रवेश क तरीका: पॉलीटेक्निक मा दाखिला खाली ऑनलाइन प्रवेश परीक्षा के जरिए ही होई, कउनो दूसरा रास्ता मान्य नाहीं होई।
- कहाँ करीं संपर्क: फॉर्म भरे के तईं परिषद क वेबसाइट (JEECUP Admission Portal) पर जाइ सकत हैं। जादा जानकारी के तईं इन फोन नंबरन पर बात कइ सकत हैं: 0522-2630106, 2630695, 2630667 अउर 2636589।
