मुंबई इंडियंस अउर ओकरे कप्तान हार्दिक पांड्या क बीच सब कुछ ठीक नाहीं चलत अहै। मीडिया रिपोर्टन क मानि जाइ तौ मुंबई टीम क कई ठउ खिलाड़ी पांड्या क खिलाफ ठाढ़ अहैं। ई बीच भारत क पुरान कप्तान कृष्णामचारी श्रीकांत पांड्या का लैके बड़ी बात कहे अहैं। ओन्कर मानब अहै कि जब पांड्या नाहीं रहत हैं तौ मुंबई क खिलाड़ी काफी खुश देखात हैं।
मुंबई बिफे क दिने धर्मशाला मा खेलि गय मैच मा पंजाब किंग्स का मात दिहिस। हालांकि, मुंबई पहिले ही प्लेऑफ क रेस से बाहर होइ चुकी अहै, मुला ऊ पंजाब क गणित बिगाड़ि दिहिस अहै। ई मैच मा हार्दिक पांड्या नाहीं रहेन। ऊ बीतल तीन मैचन से बाहर अहैं अउर एकर वजह चोट बतावा गवा अहै।
देखाय परा बदलाव
सूर्यकुमार यादव भी ई मैच मा नाहीं खेले रहेन। उनकरी जगह जसप्रीत बुमराह मुंबई क कप्तानी करेन। श्रीकांत मुंबई क ई फैसले क खूब तारीफ करेन। ऊ अपने यूट्यूब चैनल पर बात करत भये कहेन, ई नीक फैसला रहा। बुमराह का कप्तान बनाउब एक नीक कदम रहा।
श्रीकांत कहेन कि जबसे पांड्या टीम क साथे नाहीं अहैं तबसे टीम मा बदलाव देखय का मिलत अहै। ऊ कहेन, निश्चित तौर पर कवनो बात तौ अहै। टीम क मिजाज ई समय थोड़ हल्का अहै। टीम अचानक से पहिले से जादे एक लागय लाग अहै।
मुंबई क भवा बुरा हाल
कई मीडिया रिपोर्ट मा ई बतावा गवा अहै कि मुंबई की टीम मा पांड्या का कप्तान बनावै क विरोध होइ रहा अहै। पांड्या अपने आईपीएल करियर क शुरुआत मुंबई से ही करे रहेन, मुला साल 2022 मा ऊ गुजरात टाइटंस चले गए रहेन। 2024 मा ऊ वापस मुंबई आएन। तब ओन्का रोहित शर्मा क जगह कप्तान बनाय दीन्ह गवा। ईहै बात का लैके पांड्या क विरोध होइ रहा अहै काहे से कि कई सीनियर खिलाड़ी मनई मानत हैं कि रोहित का जउं कप्तानी से हटावय का रहा तौ ओकरे बाद सूर्यकुमार या जसप्रीत बुमराह का कप्तान बनावै का चाहत रहा।
敷
