पूरी दुनिया कय तीन हजार स्कूलन मा से भारत कय दुइ स्कूल टॉप 50 मा जगह बनाइन।
ग्लोबल स्कूल्स प्राइज 2026 बरे पूरी दुनिया भर से आय करीब तीन हजार नामांकनन के बीच भारत कय दुइ स्कूलन टॉप 50 मा जगह बनाय के देस कय झंडा गाड़ दीन हैं। दिल्ली कय ‘कथा लैब स्कूल’ आर्ट्स अउर कल्चर कैटेगरी मा अउर ‘दिल्ली पब्लिक स्कूल बैंगलोर नॉर्थ’ इनक्लूसिव एजुकेशन श्रेणी मा शॉर्टलिस्ट भवा है। ई कामयाबी खाली दुइ स्कूलन कय नाहीं आय, बलुक भारत कय ओही सोच कय जीत आय, जे शिक्षा कय खाली किताबन तक सीमित नाहीं मानत, बलुक ओका जिन्दगी से जोड़त है।
सैकड़ों लरिकन का मिली नई राह
‘कथा लैब स्कूल’ दिल्ली कय गोविंदपुरी जइसन पिछड़ी बस्ती मा सैकड़ों लरिकन का एक नई राह देखायिस है। पद्मश्री से सम्मानित गीता धर्मराजन कय बनावा ई स्कूल कहानी-आधारित पढ़ाई के अउखे मॉडल से शिक्षा का कहानी अउर अनुभव कय हिस्सा बनाय दीस है, जहाँ भासा, बिग्यान, गणित अउर कला सब एक साथै बहथिन।
उहईं, डीपीएस नॉर्थ ‘सेवा परमो धर्म:’ कय रस्ता पे चलत ई साबित कय दीस है कि समावेशी शिक्षा अउर उत्कृष्टता दुइनो एक साथै आगू बढ़ सकत हैं। यूके मा स्थित वार्की फाउंडेशन कय संस्थापक सनी वार्की इन स्कूलन कय सराहना करत कहेन कि ई संस्थान दिखावत हैं कि कइसन शिक्षा भविस्स बनावे कय सबसे बड़ माध्यम आय।
