भारत-रूस दोस्ती मा बढ़ी रोजगार के चमक: यूपी के नौजवानन बरे खुलिहैं रूस मा नौकरी के दरवाजा

उत्तर प्रदेश रोजगार मिशन के तहत सहर के नौजवानन बरे एक बहुत बड़ी अउर सुघर खबर आई अअइ। पिछले दिनन उत्तर प्रदेश के श्रम एवं सेवायोजन मन्त्री श्री अनिल राजभर अउर मॉस्को सरकार के मन्त्री श्री चेरेमिन सर्गेई के बीच वीडियो कॉन्फ्रेंसिंग के जरिया एक बहुत जरूरी बइठक भई। एही बइठक के असली मकसद अअइ कि यूपी के हुनरमंद कामगारन का सही अउर कानूनी तरीका से रूस के बड़ी-बड़ी कम्पनियन मा नौकरी मिलि सके।

5 लाख से ज्यादा नौकरियां:

मॉस्को सरकार के मन्त्री ने बताइन कि खाली मॉस्को सहर मा ही 5 लाख से ज्यादा जगह खाली अहैं। एकरे अलावा पूरे रूस मा लाखन कुशल लोगन के जरूरत अअइ। खास कइके बिल्डिंग बनावै (कन्स्ट्रक्शन), इलेक्ट्रिशियन, प्लम्बर अउर कारपेंटर जइसन तकनीकी कामन मा बहुत जादा लोगन के माँग अअइ।

सेना मा भर्ती के डर भवा खतम:

बइठक मा मन्त्री अनिल राजभर ने एक बहुत जरूरी बात उठाई। ऊ कहिन कि यूपी के लरिकन मा ई डर बना रहत है कि रूस जाइ पर उनका जबरदस्ती सेना मा भर्ती कइ लीन जाई। एही पर रूस के मन्त्री ने साफ़-साफ़ कहिन कि अइसन कछू नाहीं अअइ। सब काम कानूनी, साफ-सुथरा अउर सुरक्षित होई। कउनो भी लरिका पर कउनो दबाव नाहीं डाला जाई, तौ कउनो का डराइ के कउनो जरूरत नाहीं अअइ।

रूसी भाषा के मिली ट्रेनिंग:

रूस के मन्त्री ने एक सलाह दिहिन कि अगर लरिकन का रूसी भाषा आवत होई, तौ काम करइ मा अउर आसानी होई। एही पर अनिल राजभर ने बताइन कि यूपी मा पहिले से ही जापानी अउर जर्मन भाषा सिखाई जाइ रही अअइ। अब बहुत जल्दी रूसी भाषा के ट्रेनिंग भी शुरू कइ दीन जाई, जेहसे हमार नौजवानन का बाहर देसन मा नौकरी पावै मा कौनों दिक्कत न होय।

सेंट पीटर्सबर्ग मा यूपी के डंका:

रूस ने मन्त्री अनिल राजभर का ‘सेंट पीटर्सबर्ग’ मा होय वाले बड़े आर्थिक फोरम मा शामिल होय बरे न्योता दीन अअइ। मन्त्री जी ने एही न्योता का मानि लीनिस अअइ अउर अब यूपी के एक बड़ा प्रतिनिधिमंडल रूस जाई, ताकि आगे के काम अउर मजबूती से होइ सके।

एही बइठक मा यूपी शासन के प्रमुख सचिव डॉ. शणमुगा सुंदरम, निदेशक नेहा प्रकाश अउर नोएडा के ‘बीएसएल कंसल्टिंग’ के फाउंडर अरुण ज़ुरेल समेत कइयौ बड़े अधिकारी मौजूद रहे। ई बइठक यूपी के लरिकन बरे दुनिया के बाजार मा रोजगार पावै बरे एक बहुत बड़ा अउर पक्का कदम साबित होई।