उत्तराखण्ड मा 307 चिकित्साधिकारिन, फार्मासिस्टिन अउर उद्यान विभाग के तहत नवा नियुक्त भवा प्रयोगशाला सहायकिन का मुख्यमंत्री पुष्कर सिंह धामी नियुक्ति पत्र बाँटिन हैं। ऊ कहिन कि ई खाली नियुक्ति पत्र नाहीं आय, बलुक सेवा, संवेदनशीलता अउर उत्तराखण्ड के उजियार भविष्य बनावे मा भागीदार बने के एक मौका आय।
ऊ कहिन कि एक जमाना रहा जब नकल अउर भ्रष्टाचार के मारे भर्ती के काम मा अड़ंगा लागत रहा, काबिल नौजवानन के भरोसा टूटत रहा अउर हुनर के जगह व्यवस्था पर सवाल उठत रहे। हमार सरकार काम करै के नयी संस्कृति तैयार कइके ई व्यवस्था का बदलै के परन लीनिस। देस के सबसे कड़ा नकल विरोधी कानून लागू कइके नौजवानन के भविष्य का सुरक्षित कीन गवा, ताकि हर परीक्षा साफ-सुथरे ढंग से होय अउर हर नियुक्ति खाली काबिलियत के दम पर पक्की कीन जाय।
इहै के नतीजा आय कि बीते 4 सालन मा हमार सरकार 32,000 से जादा नौजवानन का सरकारी नौकरी मा मौका दइ चुकी है। ई खाली रोजगार नाहीं आय, बलुक भरोसा, नियाव अउर सुशासन के स्थापना के सबूत आय। कार्यक्रम मा कैबिनेट मंत्री गणेश जोशी, सुबोध उनियाल, खजान दास, विधायक उमेश शर्मा काउ अउर विधायक सविता कपूर मौजूद रहेन।
