लखनऊ के जन भवन मा राज्यपाल आनंदीबेन पटेल के कोशिश अउर केजीएमयू के सहयोग से 96 बिटियन का गर्भाशय कैंसर से बचावै बरे मुफ्त एचपीवी के टीका लगावा गवा।
उत्तर प्रदेश के राज्यपाल श्रीमती आनंदीबेन पटेल के दयालु अउर दूरदर्शी सोच, लगातार प्रेरणा अउर मार्गदर्शन से आज जन भवन लखनऊ मा मुफ्त एचपीवी वैक्सीनेशन कैंप (टीकाकरण शिविर) के आयोजन कीन गवा। ई कैंप किंग जॉर्ज चिकित्सा विश्वविद्यालय (के0जी0एम0यू0), लखनऊ के सहयोग से पूरा भवा।
एही वैक्सीनेशन कैंप मा आदर्श माध्यमिक विद्यालय, जन भवन मा पढ़इ वाली बिटियन, मास्टर-मास्टरन के बिटियन अउर बालिका गृह (सिंधी खेड़ा) लखनऊ के बिटियन का मुफ्त मा एचपीवी के टीका लगावा गवा। एही मौका पर कुल 96 बिटियन का ई जरूरी टीका दीन गवा।
एचपीवी टीका बिटियन का ह्यूमन पैपिलोमा वायरस से होय वाले इन्फेक्शन से बचावत है, जउन आगे चलिके गर्भाशय ग्रीवा (सर्वाइकल) कैंसर के सबसे बड़ा कारण बनत है। एही नाते ई टीकाकरण बिटियन का गंभीर बीमारियन से बचावै अउर उनके सेहतमंद व सुरक्षित भविष्य बरे एक बहुत बड़ा कदम अहै।
राज्यपाल जी के मूल विचार ’इलाज से बेहतर बचाव अहै’ अउर बिटियन के सेहत के प्रति उनके अटूट लगाव के नतीजा अहै कि अइसन मुफ्त टीकाकरण अभियान का बढ़ावा मिलि रहा अहै। उनके मानब अहै कि सही बखत पर जानकारी अउर टीका लगवावै से कैंसर जइसन खतरनाक बीमारी का रोकब मुमकिन अहै, अउर एही सोच का सच करइ बरे ई अभियान चलाय जाइ रहा अहै। कैंप के दौरान डॉक्टरन अउर स्वास्थ्य विशेसन बिटियन का एचपीवी टीका के जरूरत अउर ओसे होय वाले फायदन के बारे मा विस्तार से जानकारी भी दिहिन।
एही मौका पर राज्यपाल के विशेष कार्याधिकारी (अपर मुख्य सचिव स्तर) डॉ0 सुधीर महादेव बोबडे, राज्यपाल के विशेष सचिव श्री श्रीप्रकाश गुप्ता, किंग जॉर्ज चिकित्सा विश्वविद्यालय, लखनऊ के कुलपति प्रो० सोनिया नित्यानंद, आदर्श माध्यमिक विद्यालय, जन भवन के मास्टर-मस्टरइन, राजभवन के अधिकारी व कर्मचारी समेत दूसर गणमान्य लोग मौजूद रहे।
