महाराष्ट्र मा तीख राजनीतिक बयानबाजी छिड़ गय है। सोममार का राज्य मंत्री नितेश राणे विपक्ष के नेता राहुल गांधी पर हमला बोलत भवा उनका “पाकिस्तानी एजेंट” बताइन अउर कहेन कि उनकर बयानबाजी बाहरी लोगन के दखल से प्रभावित है। राहुल गांधी के इ बयान के बाद कि मौजूदा एनडीए सरकार आर्थिक संकट के कारन अगिले साल तक नाइ टिक पाई, नितेश राणे तीख प्रतिक्रिया देत भवा दावा करेन कि कांग्रेस सांसद सीमा पार के लोगन का खुश करै बरे भड़काऊ बयान देत अहैं।
राणे पत्रकारन से कहेन कि राहुल गांधी पाकिस्तानी एजेंट अहइँ। ओइ खुदै पाकिस्तान के बारे मा बात कीन… ओइ इहाँ एक स्क्रिप्ट पढ़त अहैं जौन उहइँ से आई है। अपने पाकिस्तानी आका लोगन का खुश करै बरे, उनकर एजेंट राहुल गांधी इहाँ आए अउर प्रधानमंत्री मोदी के खिलाफ बयान दिहिन। इ तीख बहस राहुल गांधी दुआरा कांग्रेस अल्पसंख्यक विभाग सलाहकार परिषद क बैठक मा कीन गय टिप्पणी से शुरू भइ है। केंद्र क आर्थिक नीतियन के मुखर आलोचक रहे गांधी चेताउनी दिहिन कि मौजूदा सरकार क नींव अस्थिर है। एका छोड़ि, गांधी सोशल मीडिया प्लेटफॉर्म ‘एक्स’ पर हालै मा ईंन्धन क दामन मा भइ बढ़ती का लेके प्रधानमंत्री नरेंद्र मोदी पर हमला बोलेन। प्रधानमंत्री का “महँगाई बढ़ावै वाला मोदी” बतावत भवा कांग्रेस नेता आरोप लगाएन कि सरकार जानि-बूझिके चुनाव के समय दामन पर काबू रखे रहा अउर बाद मा किश्तन मा बढ़ाएस।
कांग्रेस नेता एक्स पर लिखेन, महँगाई बढ़ावै वाले मोदी फिर से आपन काम कइ दिहिन है। ओइ पेट्रोल-डीजल क दाम किश्तन मा बढ़ावत अहैं – ताकि तुम्हार जेब चुपके से खाली होत रहै। हम महीनउ से आवे वाले आर्थिक संकट क चेताउनी देत अही। लेकिन मोदी जी, हमेशा क नाई, उ समय चुनाव मा व्यस्त रहेन – अउर चुनाव खतम होते ही पेट्रोल-डीजल क दाम 28% बढ़ाए दीन गय।
