लखनऊ माँ सुकवार सुबेरे से पेट्रोल-डीजल क दाम बढ़ि गय, सीएनजी भी महँग होइ गय

सुकवार सुबेरे से लखनऊ माँ पेट्रोल-डीजल क दाम बढ़ि गय हयँ। पहिले से ही महंगई अउर गैस की किल्लत झेलत आम मनई का बढ़े भाव क एक अउर झटका लाग अहै। लखनऊ माँ पेट्रोल क दाम 2 रुपया 84 पइसा अउर डीजल क दाम माँ 3.01 रुपया क बढ़ोत्तरी भई अहै। एकरे साथै अब आम जनता का पेट्रोल 97.55 रुपया प्रति लीटर अउर डीजल 90 रुपया 82 पइसा प्रति लीटर मिली।

एकरे साथै सीएनजी क दाम माँ भी बढ़ोत्तरी कीन गय अहै। लखनऊ माँ सीएनजी क दाम भी दुइ रुपया बढ़ाये गय हयँ। कहा जात हय कि पेट्रोल-डीजल क दाम बढ़े क ई पहिला झटका अहै। आगे कइयौ दाईं अउर दाम बढ़ाये जाइ सकत हयँ। लखनऊ माँ अभी सीएनजी क भाव 98 रुपया प्रतिकिलो अहै। ग्रीन गैस लिमिटेड क एजीएम प्रवीण सिंह बताइन कि लखनऊ, अयोध्या, सुल्तानपुर, उन्नाव अउर आगरा माँ सीएनजी क पुरान दाम ही लागू होइहीं। हालांकि, सीएनजी क दाम जब रिवाइज भवा रहा तभी 2 रुपया बढ़ि गवा रहा। ओकरे बाद से यही भाव अहै।

सीएम योगी क काफिला माँ गाड़िन क संख्या कम भई, साइकिल से विधानभवन पहुँचे मंत्री

प्रधानमंत्री नरेंद्र मोदी की पेट्रोल-डीजल बचावे क अपील के बाद मुख्यमंत्री योगी आदित्यनाथ के काफिला माँ गाड़िन क संख्या कम कइ दीन गय अहै। वहीं, प्रदेश क वित्तमंत्री सुरेश खन्ना सुकवार का साइकिल से विधानभवन पहुँचे। मंत्री दिनेश प्रताप सिंह ई-रिक्शा से आपन दफ्तर पहुँचे। आयुष मंत्री डॉ. दयाशंकर मिश्र ‘दयालु’ वाराणसी माँ इलेक्ट्रिक व्हीकल (ईवी) सिंगल कार क इस्तेमाल शुरू कइ दिहिन। महापौर अशोक तिवारी गुरुवार का घर से पैदल ही नगर निगम दफ्तर पहुँचे। गोरखपुर क महापौर डॉ. मंगलेश श्रीवास्तव स्कॉर्ट गाड़ी क इस्तेमाल बंद कइ दिहिन। सांसद रवि किशन भी आपन काफिला छोट कइ दिहिन। अयोध्या माँ महापौर महंत गिरीश पति त्रिपाठी अउर नगर आयुक्त जयंत कुमार आपन सुरक्षा गाड़ी नगर निगम का वापस कइ दिहिन। बाराबंकी माँ डीएम ईशान प्रताप सिंह कलेक्ट्रेट दफ्तर तक पैदल गयँ।