शुक्रवार की रात एक बहुतै रोमांचक मैच मा लखनऊ सुपर जायंट्स चेन्नई सुपर किंग्स का 7 विकेट से हराइ दिहिस। इ हार के बाद चेन्नई क प्लेऑफ मा पहुंचे क डगर कठिन होइ गय है। चेन्नई 12 मैच मा से 6 जीते है अउर 6 हारे है। 12 पॉइंट अउर +0.027 क नेट रन रेट के साथ टीम प्वाइंट्स टेबल मा छठवें नंबर पर है। टीम अगर आपन अगले दुनहु मैच जीत लिहिस, तबहूँ ओका किस्मत के भरोसे रहे का पड़ी।
चेन्नई अब सोमार का सनराइजर्स हैदराबाद से भिड़ी। चेपॉक मा होय वाले इ सीजन के आखिरी मैच मा महेंद्र सिंह धोनी क वापसी होइ सकत है। पिंडली मा चोट लागे के कारण धोनी इ सीजन मा अबहीं तक एकौ मैच नाहीं खेले हैं।
धोनी क वापसी होइ सकत है
अनुभवी भारतीय स्पिनर रविचंद्रन अश्विन इशारा दिहे हैं कि धोनी हैदराबाद के खिलाफ चेन्नई सुपर किंग्स के ‘करो या मरो’ वाले मैच मा वापसी कइ सकत हैं। आपन यूट्यूब चैनल पर अश्विन कहेन, “आजहु, अगर हम कौनों बढ़िया तेज बल्लेबाज क बात करी, त हमका लागत है कि उ धोनी ही अहैं। देखत अही। हमका लागत है कि सनराइजर्स हैदराबाद के खिलाफ उनके खेले क बढ़िया मौका है। देखा जाय आगे का होत है।”
मैदान पर उतरे बदे तैयार
अश्विन कहेन, “जहां तक हम सुने अही, उ पिछले दुइ-तीन मैचन से मैदान मा उतरे बदे तैयार अहैं। हमका लागत है कि आप जेतना कम ट्रेनिंग करब, चोट लागे क डर ओतने बढ़ी। कुछ मनई चोट से बचे बदे एक मैच से दूसरे मैच मा जात रहत हैं, इ गलत है। लकिन इ एक अलग विभाग है; इ फिजियोथेरेपी अउर खेल विज्ञान क बात है। हमका नाहीं लागत कि कोच अउर कप्तान का दोषी ठहरावा जाय सकत है। उ कुछ नाहीं कइ सकत।”
