भारत के सुप्रीम कोर्ट (सर्वोच्च न्यायालय) के मुख्य न्यायाधीश के अगुवाई मा ‘न्याय’ का आसान, सुलभ अउर घर-घर तक पहुँचावै बरे “समाधान समारोह-2026” के आयोजन कीन जाइ रहा अअइ। लखनऊ के जिला विधिक सेवा प्राधिकरण के सचिव कुँवर मित्रेश सिंह कुशवाहा ने बताइन कि एही समारोह के शुरुआत 21 अप्रैल 2026 से होई चुकी अअइ।
एही अभियान के समापन नई दिल्ली मा सुप्रीम कोर्ट के अहाते मा 21, 22 अउर 23 अगस्त 2026 का कीन जाई। हुवां एक ‘विशेष लोक अदालत’ लागी, जेहमा सुप्रीम कोर्ट मा बरसन से लटकल मुकदमों का आपसी सुलह-समझौता से निपटावा जाई।
सुलह बरे बइठकन के दौर: खास लोक अदालत लगे से पहिले, मुकदमों का सुलझावै बरे राज्य, जिला अउर तालुका स्तर पर ‘सुलह बइठक’ अउर मध्यस्थता केंद्रन मा बातचीत कीन जाइ रही अअइ। एसे मुकदमा लड़इ वाले दोनों पक्षन का ई मौका मिलि रहा अअइ कि ऊ आपस मा मिल-बइठ के अउर रजामंदी से अपने विवाद का खतम कइ सकैं।
31 मई तक भर देव फॉर्म: जउन लोगन के मामले सुप्रीम कोर्ट मा चलि रहे अहैं अउर ऊ आपसी सुलह से फैसला चाहत अहैं, ऊ अपने मुकदमे का एही ‘समाधान समारोह’ मा शामिल करवावै बरे 31 मई 2026 तक आवेदन कइ सकत अहैं। एकरे बरे सुप्रीम कोर्ट के सरकारी वेबसाइट पर एक ‘गूगल फॉर्म’ दीन गवा अअइ, जेका भरब जरूरी अअइ।
ज्यादा जानकारी बरे संपर्क: अगर कउनो मनई का एही अभियान के बारे मा अउर कुछ जानइ के इच्छा होय, तौ ऊ सुप्रीम कोर्ट द्वारा जारी हेल्पलाइन नंबरन पर फोन कइ सकत है:
- फोन नंबर: 011-23115652, 011-23116464
- ईमेल: speciallokadalat2026@sci.nic.in
