यूपी मा एक साथे 60,244 आरक्षिन कै पासिंग आउट परेड भवा। सीएम योगी नवा आरक्षिन कै सलामी लीहिन। प्रदेश भर मा इतवार का पुलिस लाइन, पीएसी बटालियन अउर प्रशिक्षण केंद्रन पर एक साथे आरक्षी नागरिक पुलिस कै पासिंग आउट परेड आयोजित भवा।
मुख्यमंत्री योगी आदित्यनाथ लखनऊ पुलिस लाइन मा परेड कै सलामी लीहिन अउर नवा आरक्षिन अउर उनके परिवार वालेन का बधाई दीहिन। ओन्हैं बिटियन के प्रदर्शन कै खास तौर पर सराहना कीहिन। मुख्यमंत्री कहेन कि नीक प्रशिक्षण के बाद ई बल तैयार भवा है।
सीएम बोलेन कि पुलिस बल का लय के कहा जात है कि “ट्रेनिंग मा जेतना पसीना बही, ओतने कम खून बही” अउर अनुशासन पुलिस कै सबसे बड़ी ताकत आय। ओन्हैं बताइन कि प्रदेश के 75 जिलन मा साइबर थाना बनावा गवा हैं अउर पीएसी कै तीन महिला बटालियन बनाई गई हैं।
सीएम कहेन कि राज्य मा अपराध के खिलाफ जीरो टॉलरेंस नीति के तहत प्रभावी कार्रवाई भई है, जेसे कानून-व्यवस्था मजबूत भई है। सीएम कहेन कि आज दंगा-फसाद नहीं होत, माफियाराज खतम होइ गवा है। पुलिस बल कै मनोबल बहुतै ऊँच है।
