हरियाणा क मौसम मा फिर से बदलाव देखै का मिली। पिछिले कुछ दिनन से होय वाली बारिस के बाद अब फिर से गरमी बढ़ी। प्रदेश मा राजस्थान से आवै वाली गरम हवा क वजह से तापमान बढ़ी।
काल्हि से पांच दिन तक लू चली। मौसम विभाग क कहब है कि काल्हि से प्रदेश के कई हिस्सन मा लू (हीटवेव) क असर देखै का मिली। 18 अउर 19 मई का दक्खिन अउर पच्छिम हरियाणा के जिलन मा लू चलै क अलर्ट जारी कीन गा है।
मौसम विभाग के मुताबिक आज पूरे हरियाणा मा मौसम साफ रही। ओकरे बाद लगातार तापमान मा बढ़ोतरी होई।
ई इलाकन मा चली लू
काल्हि से हिसार, सिरसा, फतेहाबाद, भिवानी, चरखी दादरी अउर महेंद्रगढ़ समेत पच्छिमी जिलन मा लू जइसन स्थिति बन सकत है। वहीं 18 अउर 19 मई का लू क असर बढ़ के रोहतक, झज्जर, रेवाड़ी, गुरुग्राम, नूंह अउर पलवल तक पहुँचै क संभावना है। मौसम विभाग मनइयन का दुपहरिया 12 से 3 बजे तक घाम मा निकरै से बचै क सलाह दिहिस है।
किसानी करै वालन का दीन ग ई सलाह
मौसम विभाग किसानन का अगिले दुई-तीन दिन मौसम देख के सावधानी बरतै क सलाह दिहिस है। कपास क बुवाई अभी टालै, पाकल गोहूँ अउर जव क फसल क तुरंते कटाई-मड़ाई करै अउर भूसा का सुरक्षित जगह पर रखै क सलाह दीन ग है।
