मेष राशि: आजु भाग तुम्हार पूरा साथ देई। कामकाज मा नीक सफलता मिली अउर जेते मेहनत कीन रहेउ, ओकर असर अब साफ़-साफ़ लखाई। कचहरी कय मामला मा जीत कय खुसखबरी मिल सकत है। समाज मा मान-सम्मान अउर रुतबा दोनों बढ़ी। कारोबार कय पुरान किचकिच अब खतम होय वाली है। परिवार के साथे समय बिताय के मन एकदम प्रसन्न रही।
वृषभ राशि: आजु आपन इज्जत-पानी खूब बढ़ी अउर मनई आपकी बडाई करत न थकियैं। कउनो खास सामाजिक नेवता-हंकारी मा जईबो तौ ओइजा सब आपकय लोहा मानियैं। जीवनसाथी के साथे पिरेम बढ़ी अउर छिटपुट रार-दंद भी खतम होई। बस अपनी देही (सेहत) कय ख्याल राखेउ अउर बाहेर कय खान-पान से परहेज करेउ।
मिथून राशि: आजु कय दिन थोरा ऊपर-नीचे रहि सकत है। काम मा ढिलाई भारी परि सकत है, यहि बरे आपन पूरा ध्यान अपने ‘टारगेट’ पर राखेउ। कउनो कय कहब मा आयके मन मा खोट या नकारात्मकता न लावेउ। संगी-साथी साथ देइहैं, मुला कउनो करीबी मनई ही आजु आपकय परेशानी बढ़ावे कय कोसिस करि सकत है। बहुतै दिनन से रुकी कउनो आस आजु पूरी होय कय आसार बाटैं।
कर्क राशि: आजु कय दिन खुसियन से भरा रही। हँसी-ठिठोली अउर मोज-मस्ती कय मौका मिली, जेसे मन हल्का रही। जायदाद से जुड़ा कउनो मामला थोरा तनाव दइ सकत है, मुला भाई लोगन कय सहयोग आपकय राहत देई। महतारी के साथे कउनो बात पर गलतफहमी होइ सकत है, ओका पिरेम से सुलझाए लेब ही नीक रही।
सिंह राशि: आजु आप अपने अधूरे कामन का पूरा करय मा पूरी जान झोंकि देब अउर कामयाबी भी मिली। ‘बिजनेस’ मा कउनो नई ‘पार्टनरशिप’ कय जोग बनत है। लरिका-बच्चन कय तरक्की देखि के मन खुस होई। कउनो बड़ा जोखिम लेय से बचेउ। जेकर बियाह नाहि भवा है, ओकर कउनो खास से भेंट होइ सकत है अउर घर-गाड़ी खरीदे कय भी जोग बाटैं।
कन्या राशि: आजु आपकय आत्मविश्वास अउर साहस दोनों सातवें आसमान पर रही। कछु नया करय कय चाह आपकय आगे बढ़ाई अउर ‘बिजनेस’ मा बदलाव कय विचार अइहैं। छात्रन बरे दिन नीक है, परीक्षा कय नतीजा खुसखबरी दइ सकत है। मौसम कय असर देही पर परि सकत है, यहि बरे बचाव राखेउ। मेहनत कय पूरा फल मिलय वाला है।
तुला राशि: आजु कय दिन ऐशो-आराम अउर खुसियन वाला है। घर कय बड़े-बुजुर्ग आपकय पूरा साथ देइहैं। अचानक कहुं यात्रा करे कय परी, तौ आपन सामान कय ख्याल राखेउ। कहुं उधार दीन पैसा वापस मिल सकत है। निवेश सोचि-समुझि के करेउ। कहुं किनारे से भी कमाई (साइड इनकम) होइ सकत है, जेसे मन खुस रही।
वृश्चिक राशि: आजु आप जे भी फैसला लेउ, खूब सोचि-समुझि के लेउ। आपकी अकलमंदी ही आपकय नैया पार लगाई। घर-परिवार कय जिम्मेदारी से मुँह न मोरेउ। वैवाहिक जीवन मा थोरी खटास आय सकत है, जेका समझदारी से सँभाल लेब। घर मा कउनो खुसी कय माहौल बन सकत है अउर भाई-बहिनन कय साथ मिली।
धनु राशि: आजु कय दिन थोरा उलझन वाला रहि सकत है। रिस (गुस्सा) मा आयके कउनो फैसला न लेउ, नाहीं तौ घाटा होइ सकत है। विरोधी ताक मा रहिहैं, यहि बरे होसियार रहेउ। नया घर खरीदे कय योजना मा कागज़-पत्तर नीक से जाँचि लेउ। ‘शेयर मार्केट’ से जुड़े मनई आजु नफ़ा कमाइ सकत हैं। यार-दोस्तन के साथे नीक समय बीती।
मकर राशि: आजु कय दिन मिला-जुला रही। कामकाज मा कछु तकनीकी दिक्कत आय सकत है, जेसे रुकावट महसूस होई। कउनो काम मा उतावली न करेउ। जिम्मेदारियां बढ़ी अउर तनाव भी होइ सकत है। थोरा सुस्ताय बरे समय निकालव। जीवनसाथी से जो वादा कीन रहा, ओका पूरा करब जरूरी होई।
कुंभ राशि: आजु आप अपने रुके भवे कामन का पूरा करय मा सफल रहब। कमाई बढ़ावे कय नये रस्ता खुली। पुरखौती जायदाद से लाभ मिलय कय संकेत बाटैं। कउनो पुरान कानूनी मामला आपकय हक मा आय सकत है। काम-धाम मा खुसखबरी मिली। आप कउनो दोस्त कय मदद बरे आगे अइबे।
मीन राशि: आजु कय दिन आपरे बरे नीक रही। कामकाज मा सुधार आई अउर मन हल्का रही। कउनो पुरान मित्र अचानक मिलि के आपकय खुस करि देई। जीवनसाथी से बातचीत करि के मन कय बोझ कम होई। लरिका-बच्चन कय करियर बरे थोरा भागदौड़ करय कय परी। घर कय रिनोवेशन (मरम्मत) कय योजना बनी, जेमा खरचा भी बढ़ी।
