कुछु फिलिम हिट होइ के बादौ विवादन मा घिरि जात हैं। 20 साल पहिले अइसने भवा रहा। शाह रुख खान (Shah Rukh Khan) क एक फिलिम आई रही, जौन बॉक्स ऑफिस पर हिट रही मुला खूब ट्रोल भई। फिलिम क कहानी पर मनई सवाल उठायेन रहा। अब 20 साल बाद शाह रुख खान क इहै फिलिम पर वेब सीरीज बनत अहै जेका अउर कोउ नाहीं, बलुक करण जौहर (Karan Johar) लै के आवत हैं। वेब सीरीज क बढ़त चलन के बीच करण अब अपनी फिलिमै का सीरीज क रूप मा बनइहैं अउर ओका ओटीटी (OTT) पर उतारिहैं।
20 साल पुरानी फिलिम पर बनी सीरीज
करण जौहर अपनी निर्देशित फिलिम परै सीरीज लावे क तैयारी मा हैं जेकर खुलासा उ एक हालिया इंटरव्यू मा किहिन है। ई फिलिम अहै ‘कभी अलविदा ना कहना’ (Kabhi Alvida Naa Kehna)। 2006 मा रिलीज भई ई फिलिम मा शाह रुख खान, रानी मुखर्जी, प्रीति जिंटा, अमिताभ बच्चन, अभिषेक बच्चन अउर किरण खेर मुख्य भूमिका मा रहेन।
‘कभी अलविदा ना कहना’ क स्क्रिप्ट पर होत अहै काम
एक हालिया इंटरव्यू मा जब करण जौहर से पूंछा गवा कि का उ अपनी कोनो फिलिम पर वेब सीरीज बनावै के बारे मा सोचि सकत हैं? ई सवाल क जवाब मा करण कहेन, “हम बनावत अही, ‘कभी अलविदा ना कहना’ फिलिम पर। हम ई फिलिम क कहानी का लम्बे प्रारूप क वेब सीरीज के तौर पर ढालि रहे अही।”
काहे फिलिम का लै के भवा रहा विवाद?
‘कभी अलविदा ना कहना’ क कहानी ‘एक्स्ट्रा मैरिटल अफेयर’ (extra-marital affair) के चारों ओर घूमत है। एक्स्ट्रा मैरिटल अफेयर का फिलिम मा बढ़ा-चढ़ा के दिखावै (ग्लोरीफाई करै) क लै के खूब आलोचना भई रही। करण जौहर कहेन, “साल 2006 मा जब ई फिलिम प्रदर्शित भई रही, तौ एकतरफा प्रतिक्रिया मिली रही। कय्यू लोगन आय के हम्से पूंछा रहा कि हम ठीक अही कि नाहीं। कय्यू लोग इहौ कहेन कि आप बेवफाई का महिमा मंडन कइसे करि सकत हौ? हम उनसे कहेन कि हम उ चीज क महिमा मंडन कइसे करि सकीत है, जौन पहिले से समाज मा होइ रही है।”
p>कौन ओटीटी पर आई ‘कभी अलविदा ना कहना’ पर सीरीज?
करण बतइहैं कि फिलिम पर बनत सीरीज कौने ओटीटी प्लेटफॉर्म पर आई, इकरे बारे मा उ अभी नाहीं बताय सकत हैं मुला जल्दीय घोषणा कीन जाई। अब देखब दिलचस्प होई कि करण ई वेब सीरीज मा केका-केका मौका देत हैं।
