साउथ सिनेमा के सुपरस्टार नागार्जुन अपनी 100वीं फिलिम करै जा रहे हैं। दिलचस्प बात ई है कि ई फिलिम मा अभिनेता की जोड़ी कउनो अउर के साथे नाहीं, बल्कि कहि जात है कि कबहुं उनकी गर्लफ्रेंड रहीं तब्बू (Tabu) के साथे बनै वाली है। का है ई फिलिम क टाइटिल, आई हम आपन का बताइत अही:
दुई दशक बाद नागार्जुन अउर तब्बू करिहैं साथै काम
नागार्जुन अउर तब्बू आखिरी बार साल 1998 मा फिलिम ‘आविदा मां आविदा’ मा साथै काम करे रहेन। ओकरे बाद दूनों स्क्रीन पर कबहुं साथे नाहीं आएन। अब खुद तब्बू ही ई बात पर मुहर लगाई हैं कि उ नागार्जुन की 100वीं फिलिम क हिस्सा होइहैं। ‘भूत बंगला’ (Bhooth Bangla) एक्ट्रेस तब्बू अपने आधिकारिक इंस्टाग्राम अकाउंट पर एक फोटो शेयर की हैं, जेमा एक कुर्सी पर क्लैपबोर्ड धरा है। ई पर ‘किंग 100’ लिखा है, जउन कि फिलिम क कामचलाऊ (Tentative) टाइटिल है। नागार्जुन के साथे 28 साल बाद बड़े पर्दे पर लौट रहीं तब्बू फोटो शेयर करत भए कैप्शन मा लिखिन, “हम किंग 100 क शूटिंग शुरू कइ दिहे अही।” खबरिन की मानी जाय तौ तब्बू अउर नागार्जुन क एक गहिर अतीत रहि चुका है।
10 से 15 साल तक चला रहा तब्बू-नागार्जुन क अफेयर?
तब्बू अउर नागार्जुन क पहिली मुलाकात साल 1996 मा फिलिम ‘निन्ने पेल्लादाटा’ के सेट पर भई रही। ओकरे बाद दूनों साल 1998 मा साथै काम करेन। 90 के दशक के आखिरी सालन मा दूनों के अफेयर के किस्सन क खूब चर्चा रही। रिपोर्ट के मुताबिक, जब नागार्जुन तब्बू का डेट करब शुरू करे रहेन, उ समय उ पहिले से ही शादीशुदा रहेन। अइसन कहा जात है कि 10-15 साल तक दूनों एक-दूसर के साथे रहेन।
तब्बू ई रिश्ता का बियाह के मंडप तक लै जाय चाहत रहीं अउर उनके ई अफेयर की वजह से सुपरस्टार क घर टूटत-टूटत बचा रहा। मुला, नागार्जुन अपनी मेहरारू अमला का नाहीं छोड़ै चाहत रहेन। एक्टर की पत्नी घर टूटै की खबरिन का खाली एक अफवाह बताए रहीं अउर साथै तब्बू का अपनी नीक दोस्त भी कहे रहीं। खबरिन के मुताबिक, करीब एक दशक तक नागार्जुन के साथे रहै के बाद साल 2012 मा तब्बू उनसे अलग होय क फैसला लिहे रहीं, काहे से उ समझि गइ रहीं कि अभिनेता के साथे उनका कउनो भविष्य नाहीं है।
