न्यूजीलैंड महिला क्रिकेट टीम मा टी20 वर्ल्ड कप बरे बड़ा फेरबदल, दिग्गज खिलाड़ी बेट्स अउर डिवाइन खेलिहैं आपन आखिरी टूर्नामेंट।
महिला टी20 वर्ल्ड कप 2026 बरे न्यूजीलैंड कय 15 सदस्य वाली टीम कय एलान होइ गवा अहै। जून-जुलाई मा होवे वाले एहि टूर्नामेंट मा दिग्गज खिलाड़ी सूजी बेट्स अउर सोफी डिवाइन आपन 10वां टी20 वर्ल्ड कप खेलिहैं, जबकि नई खिलाड़ी नेंसी पटेल अउर बल्लेबाज इजी शार्प का आईसीसी टूर्नामेंट मा पहिली बार मौका मिला अहै। स्पिनर के तौर पर पहिली पसंद ईडन कार्सन बहुत दिनन से केहुनी मा चोट के वजह से टीम मा जगह नाहीं बनाय पाइन।
कीवी टीम कय कप्तानी अमेलिया केर का सौंपी गयी अहै। 15 सदस्य वाली टीम मा से 10 खिलाड़ी उहै अहैं जउन 2024 टी20 विश्व कप जीते वाली टीम कय हिस्सा रहेन, जेहिमा केर, सूजी बेट्स, सोफी डिवाइन, लिया तहुहु, इजी गेज, मेडी ग्रीन, ब्रूक हैलिडे, जेस कर, रोजमेरी मेयर अउर जॉर्जिया प्लिमर सामिल अहैं।
Womens T20 WC बरे न्यूजीलैंड टीम कय एलान
दरअसल, सूजी बेट्स पिछले हफ्ता एलान कीहिन रहा कि आवे वाला टी20 वर्ल्ड कप उनके अंतरराष्ट्रीय करियर कय आखिरी टूर्नामेंट होइ। न्यूजीलैंड बुधवार का ई बात पक्की कइ दिहिस कि लिया ताहुहू अउर डिवाइन भी 12 जून से सुरु होवे वाले टूर्नामेंट के बाद संन्यास लै लेइहैं। वहिँ, न्यूजीलैंड कय कोच बेन सॉयर बेट्स, डिवाइन अउर ताहुहू के करियर का सलाम कीहिन अउर कहिन कि ई तीनों आपन अंतरराष्ट्रीय करियर कय अंत नीक तरीके से करै बरे पूरी तरह तैयार अहैं।
सॉयर कहिन, “हमरे तीन सबसे सीनियर खिलाड़ी कय एकै टूर्नामेंट मा करियर खतम होब एक दुर्लभ अउर खास मौका अहै। तीनो जने आपन दम पर बढ़िया खेल देखाइन अहैं अउर एहि टीम अउर खेल का बहुत कुछ दिहिन अहै। टूर्नामेंट के आखिरी मा इन तीनों कय सम्मान करै अउर जश्न मनावै कय टेम आई, लेकिन फिलहाल हमका पता अहै कि उ सब टीम के साथे आपन आखिरी मिशन मा नीक प्रदर्शन करै बरे पूरा ध्यान लगाय अहैं।”
Womens T20 World Cup 2026 बरे न्यूजीलैंड कय टीम (NZ Squad):
अमेलिया केर (कप्तान), सूजी बेट्स, सोफी डिवाइन, फ्लोरा डेवनशर, इजी गेज (विकेटकीपर), मैडी ग्रीन, ब्रूक हैलिडे, ब्री इलिंग, पॉली इंग्लिस (विकेटकीपर), जेस कर, रोजमेरी मेयर, नेंसी पटेल, जॉर्जिया प्लिमर, इज़ी शार्प (विकेटकीपर), लिया तहुहु।
Womens टी20 विश्व कप मा कउन ग्रुप मा अहै न्यूजीलैंड?
न्यूजीलैंड कय टीम ग्रुप-2 मा अहै, जेहिमा उनके अलावा इंग्लैंड, आयरलैंड, स्कॉटलैंड, श्रीलंका अउर वेस्टइंडीज जइसी टीमें भी सामिल अहैं।
Women’s T20 WC 2026 बरे न्यूजीलैंड कय शेड्यूल:
- वेस्टइंडीज बनाम न्यूजीलैंड, 14 जून, साउथैम्पटन
- न्यूजीलैंड बनाम श्रीलंका, 17 जून, साउथैम्पटन
- न्यूजीलैंड बनाम आयरलैंड, 20 जून, साउथैम्पटन
- न्यूजीलैंड बनाम स्कॉटलैंड, 23 जून, ब्रिस्टल
- इंग्लैंड बनाम न्यूजीलैंड, 28 जून, द ओवल
