क्रिकेट मा ’11:11′ क चमत्कार! जब बीचै मैच मा दर्शकन का एक गोड़ पर खड़ा होय का परा

11:11 का दुनिया भर मा ढेर जने ‘लकी नंबर’ मानत हैं, तौ केहू एका किस्मत बदलै वाला पल कहत है। बाकी का आप का पता अहै कि ई अइसन नंबर अहै जेका क्रिकेट क दुनिया मा ‘अनलकी’ (असुभ) माना जात है? एकरे से जुड़ा इतिहास भी हक्का-बक्का करै वाला अहै। साल 2011 मा मैदान पर अइसन पल देखै का मिला रहा, जेकर दोबारा देखइ क उम्मीद बहुतै कम अहै। बात अहै 11 नवंबर साल 2011 क, जब क्रिकेट क मैदान पर अइसन संयोग बना कि हजारन दर्शक अचरज मा पड़ि गये।

ई मैच साउथ अफ्रीका अउर ऑस्ट्रेलिया (South Africa vs Australia 2011 match) क बीच पहला टेस्ट रहा, जो केपटाउन मा खेला जात रहा। ई मैच मा अफ्रीकी खिलाड़ी जीतै खातिर पूरा जोर लगावत रहेन अउर फैंस हर गेंद पर सांस रोकिके बैठ रहेन। तबै स्टेडियम क स्कोरबोर्ड पर टेम दिखा 11 बजिके 11 मिनट अउर उही टेम टीम का जीतै खातिर 111 रन क जरूरत रही। सबते ताज्जुब क बात ई रही कि उ दिन तारीखौ 11-11-11 रही। मैदान मा मौजूद अंपायर इयान गूल्ड भी ई पल क संजीदगी का समझिन अउर उ बीचै मैच मा एक गोड़ पर खड़ा होय लागेन, जेका ‘नेल्सन नंबर’ क संकेत कहा जात है।

का अहै ई नेल्सन नंबर?

असल मा, क्रिकेट मा 111 का नेल्सन नंबर (Nelson number 111 Cricket History) कहा जात है, जेका खेल मा असुभ माना जात है। 111 क मतलब अहै कि तीनौ स्टंप्स तौ खड़ा हैं बाकी उन पर बेल्स (गिल्लियां) नाहीं अहैं। एकरे पीछे क कहानी 1990 क जुद्ध क दौर क अहै, जहां ढेर जने मशहूर भये रहे, जेमा से एक रहे लॉड नेल्सन। कहा जात है कि जुद्ध मा लड़त-लड़त उ आपन एक आंख, एक हाथ अउर एक गोड़ गंवा दिहे रहेन, अउर इहै वजह अहै कि लोग एका बुरा या अपसगुन मानत हैं।

हालांकि, ई खाली कहै-सुनै क बातें अहैं, काहे से अइसन कउनो लिखित सबूत नाहीं अहै। बताइ देइ कि डेविड शेफर्ड नाउं क एक मशहूर अंपायर रहेन, जो क्रिकेट मैच मा जबै 111 रन क स्कोर होत रहा तौ एक गोड़ पर खड़ा होइ जात रहेन, ताकि कउनो अनहोनी न होय। अइसने उ 11 नवंबर 2011 का 11 बजिके 11 मिनट पर साउथ अफ्रीका-ऑस्ट्रेलिया टेस्ट मैच मा करेन। उनका देखिके स्टेडियम मा मौजूद हजारन दर्शक भी खड़ा होइ गये अउर ई अद्भुत संयोग क गवाह बने।

मैच के जीता?

ई गजब संयोग (weirdest moment in cricket history) के बाद मैच साउथ अफ्रीका क ओर मुड़ि गवा। ग्रीम स्मिथ (101*) अउर हाशिम अमला (112) क शानदार शतकन क मदद से दक्षिण अफ्रीका ई मैच 8 विकेट से जीत लिहिस। हालांकि सीरीज 1-1 क बराबरी पर रुकी। आजौ ई मैच का खाली साउथ अफ्रीका क जीत या कंगारुवन क हार खातिर नाहीं याद कीन जात, बल्कि उ एक मिनट खातिर याद कीन जात है, जेका क्रिकेट इतिहास क सबसे अजीब संयोग माना जात है।