इंडियन प्रीमियर लीग (आईपीएल) के ई सीजन मा चेन्नई सुपर किंग्स कइती से खेलत संजू सैमसन अपने खेल से सबहिन का काफी खुश करि दिहे अहैं। दहिने हाथ के ई बल्लेबाज ई सीजन मा अबहीं तक दुई ठो शतक जड़ि दिहे अहैं, अउर इहै वजह है कि उनका चेन्नई के ‘नवा शेर’ कहा जात है। लेकिन एक ठो प्रोग्राम मा संजू ‘बिल्ली’ बनि गें।
चेन्नई के ई सीजन मा स्थिति बहुत नीक नाहीं है। सुरु मा लगातार हार झेलै के बाद अब टीम धीरे-धीरे पटरी पर लौटत दिखात है। हालांकि, अभी काफी लंबा सफर तय करब बाकी है अउर ई मा संजू का शेर बने रहब बहुतै जरूरी है। मैदान मा अपने चौका-छक्का से फील्डरन के पसीना छुड़ावै वाले संजू जब फ्रेंचाइजी के एक इवेंट मा स्टेज पर पहुँचे, तौ उहइँ उ एक काम करै से भागत अउर बचते नजर अये।
भवा ई कि स्टेज पर चेन्नई के कुछ खिलाड़ी बैठे रहिन। तबहिने इवेंट के होस्ट संजू से ‘बीट बॉक्सिंग’ करै का कहिन। बीट बॉक्सिंग का मतलब होत है मुँह से बाजा जइसन आवाज निकालब। संजू से जब ई नाहीं बन पावा तौ उ बिल्ली के आवाज निकाल दिहिन। ई देखि के सब के सब लोट-पोट ह्वै के हँसे लाग।
संजू अहँय नंबर-1: संजू ई सीजन मा चेन्नई के बल्लेबाजी की जान अहँय। उ अबहीं तक टीम खातिर सबसे ढेर रन बनवै वाले बल्लेबाज अहँय। संजू ई सीजन मा अब तक आठ मैच खेलिन अहैं अउर 304 रन बनाये अहैं। ई दौरान उनका स्ट्राइक रेट 169.83 के रहा है अउर औसत 50.67 के रहा है।
