रणदीप हुड्डा (Randeep Hooda), नीरज पाठक के बनायी रोमांचक क्राइम थ्रिलर ‘इंस्पेक्टर अविनाश’ (Inspector Avinash) के दूसरे सीजन के साथे फिर से वापसी करत अहैं। एक्टर ई सीरीज मा एक निडर पुलिस अफसर क रोल निभाय अहैं। उत्तर प्रदेश के पूर्व सुपर पुलिस अफसर अविनाश मिश्रा क असली कहानी अउर जिंदगी से प्रेरित ई सीरीज एक बार फिर 1990 के दशक के जुर्म के अन्हियारे अउर खतरनाक दुनिया मा उतरै के तईयार अहै।
कबे रिलीज होइ ई सीरीज?
एकरे साथे ही एकर रिलीज होय वाली तारीख क भी पता चलि गवा अहै। इंस्पेक्टर अविनाश 2 एही महीना 15 मई से देखइ वालन के बरे जिय हॉटस्टार पर स्ट्रीम होवै लाग जाई।
का अहै इंस्पेक्टर अविनाश क कहानी?
ई सीरीज क कहानी 90 के दशक के उत्तर प्रदेश क याद दिलावत अहै, जब राज मा माफिया राज, अपराध अउर हथियान क तस्करी एकदम चरम पर रही। कहानी एक तेज-तर्रार इंस्पेक्टर (रणदीप हुड्डा) के इर्द-गिर्द घूमत अहै, जेका एक स्पेशल टास्क फोर्स (STF) क कमान सौंपी जात अहै ताकि परदेस मा होय वाली गुंडागर्दी खतम कइके शांति लाय जा सकै। एहमा आपन का जबरदस्त एक्शन सीन देखइ क मिलिहैं। अविनाश अब खाली सड़कन पर अपराधीन से नाहीं जुझत अहै, बल्कि उ घर क दबाव, भीतरी लड़ाई अउर अईसन सिस्टम से भी लड़त अहै जउन ओकरे चारों ओर टूटे क कगार पर देखात अहै।
कउन-कउन कलाकार नजर अइहैं?
ई सीरीज मा आपन का उर्वशी रौतेला, अमित सियाल, अभिमन्यु सिंह, रजनीश दुग्गल, शालिन भनोट अउर फ्रेडी दारूवाला के साथे कई दमदार कलाकार देखइ क मिलिहैं। रणदीप हुड्डा के तईं, ई सीजन ढेर निजी अउर जज्बाती तौर पर चुनौतीपूर्ण अहै। उ बतायें अहैं कि अविनाश अब सिर्फ अपराधीन क पीछा नाहीं कइ रहा अहै, बल्कि एक इंसान के तौर पर भी ओकर हिम्मत अउर काबिलियत क हर सीमा परखा जात अहै।
