अमेरिका कय हवाई कंपनी स्पिरिट एयरलाइंस (Spirit Airlines) पर एक डिमेंशिया (भूलै कय बीमारी) से पीड़ित बुज़ुर्ग यात्री का एयरपोर्ट पर बेसहारा छोड़ देय कय बड़ आरोप लाग अहै। उ बुज़ुर्ग बाद मा रस्ता भटकिके हाईवे पर पहुँच गय, जहाँ कय्यू गाड़ीन कय चपेट मा आय से उनकी जान चली गय। ई मामला मा परिवार वालेन हवाई कंपनी के खिलाफ मुकदमा दायर कीन अहैं।
खतम भवा मनई कय पहिचान 75 साल कय मार्कोस हम्बर्टो विंडेल ओसोरियो के रूप मा भई अहै। परिवार कय आरोप है कि हवाई कंपनी का पहिले ही बताय दीन गा रहा कि ओसोरियो डिमेंशिया से पीड़ित अहैं अउर सफर के दौरान उनका खास मदद कय जरूरत परी। ओसोरियो होंडुरास कय पाल्मेरोला इंटरनेशनल एयरपोर्ट से अमेरिका अपने परिवार से मिलै खातिर निकले रहेन। उनका जहाज टेक्सस के जॉर्ज बुश इंटरकॉन्टिनेंटल एयरपोर्ट पर उतरा, मुला उ एयरपोर्ट के ‘आगमन क्षेत्र’ (Arrival Area) तक नाहीं पहुँच पायें, जहाँ उनके घरवाले उनका अगोरत (इंतजार करत) रहेन।
हाईवे पर मिली लाश
जब बहुत देर तक उनसे कउनो बात-चीत नाहीं होई पाई तौ परिवार वालेन पुलिस का खबर दीन। ओकरे बाद उहै रात एयरपोर्ट से करीब आठ मिनट की दूरी पर एक सड़क पर उनकी लाश मिली। रिपोर्ट के मुताबिक, उनका कय्यू गाड़ीन ने टक्कर मारि दीन रही। परिवार कइती से जो मुकदमा दायर कीन गा है, ओमा कहा गा है कि हवाई कंपनी जउन मदद कय वादा किहिस रहा, ओकर कउनो इंतज़ाम नाहीं कीन अउर डिमेंशिया से पीड़ित एक बुज़ुर्ग का अंतरराष्ट्रीय एयरपोर्ट से अकेले बाहर निकले खातिर छोड़ दीस। परिवार कय कहब है कि इहै उनकी मौत कय असली वजह बनी।
परिवार माँगा हर्जाना
मुकदमा मा कहा गा है कि ओसोरियो का हल्का डिमेंशिया रहा, जउन कि परेशानी या तनाव मा अउर बढ़ जात रहा। इहै वजह रही कि अनजान जगहिन पर अकेले सफर करै मा उनका मदद अउर देख-रेख कय जरूरत रही। अमेरिका मा ‘एयर कैरियर एक्सेस एक्ट’ (Air Carrier Access Act) के तहत हवाई कंपनियन खातिर विकलांग या मानसिक बीमारी से जूझत यात्रिन का मदद देब जरूरी अहै। एमा गेट तक पहुँचायब, जहाज मा चढ़ायब अउर उतारे तक कय मदद शामिल अहै।
अब ओसोरियो कय परिवार मानसिक दुख, अपुन का खोवै कय गम, अंतिम संस्कार कय खरचा अउर बाकी नुकसान खातिर हर्जाना (मुआवजा) माँगत अहै। ई मामला कय पहिली सुनवाई 17 जुलाई का तय कीन गयी अहै।
