उत्तराखंड: प्रधानमंत्री मोदी क गहना-गुरिया ना खरीदे क अपील क असर सोना क व्यापारी अउर बनावै वालेन पर परत देखात है। सोना ना खरीदे क बात से ई धंधा आर्थिक नुकसान कइत ढकेलाय गवा है। खिसियाने सराफा व्यापारी आज पूरे परदेस मा सांकेतिक विरोध परदरसन करिहैं।
प्रधानमंत्री नरेंद्र मोदी क सोना ना खरीदे क बयान क विरोध मा पूरे परदेस मा सराफा व्यापारी सांकेतिक परदरसन करिहैं। बुधवार क ‘ज्वैलर्स एसोसिएशन ऑफ उत्तरांचल’ ई बात क ऐलान किहिस। दून मा भी सराफा मंडल मा विरोध जताया जाई। परदेस महासचिव गुरजीत सिंह कहिन कि प्रधानमंत्री क गहना-गुरिया ना खरीदे क अपील क खराब असर सोना क व्यापारी अउर बनावै वालेन पर परत देखात है। सोना ना खरीदे क बात से ई धंधा आर्थिक घाटा कइत जा रहा है।
सोना भारत क सभ्यता क प्रतीक आय अउर हर त्योहार मा सोना-चाँदी क खरीदारी क सुधता अउर धरम क आसा क प्रतीक माना जात है। उत्तराखंड क सब सराफा व्यापारी विस्पतवार क अपने-अपने इलाकन मा मोमबत्ती जराय के ई आयात सुल्क क बढ़ोत्तरी अउर सोना ना खरीदे क अपील क विरोध मा सांकेतिक परदरसन करिहैं। सराफा मंडल देहरादून क अध्यक्ष सुनील मैंसोन बताइन कि देहरादून मा संझा सात बजे धामावाला मा मौजूद सराफा बाजार मा कैंडल जराय के विरोध जतावा जाई।
सोना भवा १० हजार महंगा, व्यापारिन क बढ़ी चिंता
बुधवार क एक्कै दिन मा सोना क दाम १० हजार रुपिया तक बढ़ि गवा। दरअसल, सोना पर आयात सुल्क ६ से बढ़ाय के १५ परतिसत कइ दीन गवा। येहिकै नाते सोना दस हजार रुपिया तक महंगा होइ गवा।
सराफा मंडल, दून क हिसाब से, बुधवार क २४ कैरेट सोना क दाम १.६६ लाख ५०० रुपिया तक पहुँच गवा। जबकि एक दिन पहिले येकर दाम १.५५ लाख रुपिया तक रहा। येहिसे व्यापारिन मा भी चिंता बढ़ि गइ है। सराफा मंडल क अध्यक्ष सुनील मैंसोन बताइन कि एक्कै दिन मा आयात सुल्क बढ़े क नाते १० हजार रुपिया तक दाम बढ़ि गवा। येहिसे लोगन क सोना खरीदे मा दिक्कत होई। आगे सोना क दाम अउर बढ़े क संकवा है।
