मौसम विभाग क चंडीगढ़ केंद्र क डायरेक्टर सुरिंदर पाल के मुताबिक पंजाब मा ई दाईं मानसून सामान्य से कम रही। डायरेक्टर क कहब है कि अमूमन 22 से 24 जून के बीचै मानसून पंजाब मा पहुँच जात है।
पंजाब मा फिर से हीट वेव क प्रकोप होइ। मौसम विभाग 17 मई से तीन दिन खत्तिर पंजाब मा हीट वेव क अलर्ट जारी करे है। विभाग के मुताबिक आवै वाले दिनन मा पंजाब क तापमान मा 4 से 5 डिग्री तक क बढ़ोत्तरी दर्ज की जा सकत है।
बुद्ध क पंजाब मा मौसम सूखा रहै के नाते तापमान मा 2 डिग्री क बढ़ोत्तरी दर्ज की गय। फिलहाल पारा सामान्य के नगिचे बना अहै। 43.7 डिग्री तापमान के साथ फरीदकोट सबसे ढेर गर्म रहा। मुला संझा के मौसम बदल गवा अउर पश्चिमी विक्षोभ के असर से कुछु जगहिन पर तेज आँधी के साथ पानी बरसा जेसे गर्मी से थोड़-बहुत राहत मिली।
मौसम विभाग बिहफे क खत्तिरौ पंजाब मा कुछु जगहन पर 40 से 50 किलोमीटर क रफ़्तार से तेज हवा चलै अउर पानी बरसै क भविष्यवाणी करे है। एकरे बाद पंजाब मा मौसम सूखा होइ जाइ। पंजाब क न्यूनतम तापमान मा भी 0.3 डिग्री क बढ़ोत्तरी दर्ज की गय। ई सामान्य से 3.1 डिग्री ऊपर होइ गवा है। सबसे कम 18 डिग्री क पारा एसबीएस नगर क दर्ज कीन गवा।
अमृतसर क अधिकतम पारा 38.5 डिग्री, लुधियाना क 38.8 डिग्री, पटियाला क 39.0 डिग्री, पठानकोट क 37.0 डिग्री, बठिंडा क 43.4 डिग्री, एसबीएस नगर क 36.5 डिग्री, फाजिल्का क 40.7 डिग्री, फिरोजपुर क 38.9 डिग्री, होशियारपुर क 36.2 डिग्री अउर रूपनगर क 38.0 डिग्री दर्ज कीन गवा। उहईं अमृतसर क न्यूनतम पारा 25.4 डिग्री, लुधियाना क 24.4 डिग्री, पटियाला क 25.5 डिग्री, पठानकोट क 23.6 डिग्री, बठिंडा क 28.2 डिग्री, फाजिल्का क 26.6 डिग्री, फिरोजपुर क 25.5 डिग्री, अउर होशियारपुर क 23.5 डिग्री दर्ज कीन गवा।
ई दाईं सामान्य से कम रही मानसून
मौसम विभाग क चंडीगढ़ केंद्र क डायरेक्टर सुरिंदर पाल के मुताबिक पंजाब मा ई दाईं मानसून सामान्य से कम रही। डायरेक्टर क कहब है कि अमूमन 22 से 24 जून के बीचै मानसून पंजाब मा पहुँच जात है। ई दाईं मानसून पंजाब मा कबै आई, एकरे बारे मा केरल मा ओकरी एंट्री के बादे पक्के तौर पर कहा जाई सकत है।
