चिलचिलाती गरमी अउर ताल-तलैया क गिरत जलस्तर मुंबई वालेन क चिंता बढ़ाय दिहिस है। बृहन्मुंबई नगर निगम (BMC) सावधानी बरतत भए आज, 15 मई 2026 से पूरे मुंबई सहर अउर उपनगरन मा 10 प्रतिशत पानी क कटौती लागू करे क फैसला लिहिस है। प्रसासन क कहब है कि ई कदम आवै वाले मॉनसून तक पानी क सप्लाई ठीक रखे बरे उठावा गवा है।
बढ़त तापमान अउर बड़े-बड़े तालन मा तेजी से घटत जल स्तर के बीच, बृहन्मुंबई नगर निगम (BMC) शुक्रवार (15 मई) से पूरे सहर मा 10 प्रतिशत पानी क कटौती लागू कय दिहिस है। नगर निकाय कहेस है कि ई फैसला सावधानी के तौर पर लीन गवा है, ताकि मॉनसून आवे तक पानी क पर्याप्त उपलब्धता बनी रहे।
BMC के मुताबिक, मुंबई मा पीये क पानी पहुँचावे वाली सात झीलन मा इहै समइ सिर्फ 23 से 28 प्रतिशत ही इस्तेमाल करे लायक पानी बचा है। मौसम विभाग क उ चेतावनी के बाद कि अल नीनो के असर से मॉनसून कमजोर रह सकत है, प्रसासन पानी बचावे के उपाय लागू करे बरे पहिलेन कदम उठाय लिहिस है।
मुंबई के बाहरेव असर
पानी क ई कटौती क असर खाली मुंबई पर नाहीं, बल्कि आसपास के इलाकन पर भी पड़े क उमेद है। ठाणे अउर भिवंडी-निजामपुर नगर निगम के तहत आवे वाले इलाकन अउर कुछ देहाती क्षेत्रन मा भी पानी क कमी होइ सकत है, जे पानी क सप्लाई बरे बृहन्मुंबई नगर निगम पर निरभर अहैं।
बृहन्मुंबई नगर निगम हाउसिंग सोसायटिन अउर रहै वालेन से पानी नाहीं बरबाद करे क अरज करेस है। मनइन का सलाह दीन गयी है कि उ पचे गाड़िन क धुलाई कम करैं, बगिचन मा जरूरत से ढेर पानी न दैं, स्विमिंग पूल क इस्तेमाल कम करैं, घर मा पानी जहाँ से चुअत होय ओका बिना कवनो देरी के ठीक करवावैं अउर खाली जरूरत भर क ही पानी बटोरें।
मॉनसून आवे तक पाबंदी जारी रहै क संभावना
नगर निकाय बतायिस कि 10 प्रतिशत पानी क कटौती तब तक लागू रही, जब तक सहर मा नीक बारिश नाहीं होइ जात। अगर मॉनसून मा देरी होत है या पानी कम बरसत है, त अउर कड़वा कदम उठावा जाइ सकत है। हालांकि, मुंबई मा गरमी के महीना मा पानी क कमी होब आम बात आय, मुला ई साल तालन क जल स्तर कम होब अउर कमजोर मॉनसून क डर अधिकारिन क चिंता अउर बढ़ाय दिहिस है।
महाराष्ट्र मा भारी गरमी क मुसीबत
एक अधिकारी के मुताबिक, भारी गरमी के दौरान मराठवाड़ा के छह जिलन मा पानी क सप्लाई बरे टैंकरन पर निरभर गांवन क गिनती खाली 10 दिन मा ही 100 के पार पहुँच गयी। डिविजनल कमिसनरेट क एक रिपोर्ट के हिसाब से, इहै समइ छत्रपति संभाजीनगर, जालना, परभणी, हिंगोली, नांदेड़ अउर लातूर जिलन के 119 गांवन अउर 55 बस्तियन मा 194 टैंकरन के जरिया पानी क सप्लाई कीन जा रही है।
रिपोर्ट मा ई भी बतावा गवा है कि बीड अउर धाराशिव मा जहाँ अभी तक कवनो टैंकर नाहीं लगावा गवा है, उहाँ प्रसासन पानी क सप्लाई बरे स्थानीय कुँअन का अपने कब्जे मा लय लिहिस है।
चिलचिलाती गरमी अउर ताल-तलैया क गिरत जलस्तर मुंबई वालेन क चिंता बढ़ाय दिहिस है। बृहन्मुंबई नगर निगम (BMC) सावधानी बरतत भए आज, 15 मई 2026 से पूरे मुंबई सहर अउर उपनगरन मा 10 प्रतिशत पानी क कटौती लागू करे क फैसला लिहिस है। प्रसासन क कहब है कि ई कदम आवै वाले मॉनसून तक पानी क सप्लाई ठीक रखे बरे उठावा गवा है।
बढ़त तापमान अउर बड़े-बड़े तालन मा तेजी से घटत जल स्तर के बीच, बृहन्मुंबई नगर निगम (BMC) शुक्रवार (15 मई) से पूरे सहर मा 10 प्रतिशत पानी क कटौती लागू कय दिहिस है। नगर निकाय कहेस है कि ई फैसला सावधानी के तौर पर लीन गवा है, ताकि मॉनसून आवे तक पानी क पर्याप्त उपलब्धता बनी रहे।
BMC के मुताबिक, मुंबई मा पीये क पानी पहुँचावे वाली सात झीलन मा इहै समइ सिर्फ 23 से 28 प्रतिशत ही इस्तेमाल करे लायक पानी बचा है। मौसम विभाग क उ चेतावनी के बाद कि अल नीनो के असर से मॉनसून कमजोर रह सकत है, प्रसासन पानी बचावे के उपाय लागू करे बरे पहिलेन कदम उठाय लिहिस है।
मुंबई के बाहरेव असर
पानी क ई कटौती क असर खाली मुंबई पर नाहीं, बल्कि आसपास के इलाकन पर भी पड़े क उमेद है। ठाणे अउर भिवंडी-निजामपुर नगर निगम के तहत आवे वाले इलाकन अउर कुछ देहाती क्षेत्रन मा भी पानी क कमी होइ सकत है, जे पानी क सप्लाई बरे बृहन्मुंबई नगर निगम पर निरभर अहैं।
बृहन्मुंबई नगर निगम हाउसिंग सोसायटिन अउर रहै वालेन से पानी नाहीं बरबाद करे क अरज करेस है। मनइन का सलाह दीन गयी है कि उ पचे गाड़िन क धुलाई कम करैं, बगिचन मा जरूरत से ढेर पानी न दैं, स्विमिंग पूल क इस्तेमाल कम करैं, घर मा पानी जहाँ से चुअत होय ओका बिना कवनो देरी के ठीक करवावैं अउर खाली जरूरत भर क ही पानी बटोरें।
मॉनसून आवे तक पाबंदी जारी रहै क संभावना
नगर निकाय बतायिस कि 10 प्रतिशत पानी क कटौती तब तक लागू रही, जब तक सहर मा नीक बारिश नाहीं होइ जात। अगर मॉनसून मा देरी होत है या पानी कम बरसत है, त अउर कड़वा कदम उठावा जाइ सकत है। हालांकि, मुंबई मा गरमी के महीना मा पानी क कमी होब आम बात आय, मुला ई साल तालन क जल स्तर कम होब अउर कमजोर मॉनसून क डर अधिकारिन क चिंता अउर बढ़ाय दिहिस है।
महाराष्ट्र मा भारी गरमी क मुसीबत
एक अधिकारी के मुताबिक, भारी गरमी के दौरान मराठवाड़ा के छह जिलन मा पानी क सप्लाई बरे टैंकरन पर निरभर गांवन क गिनती खाली 10 दिन मा ही 100 के पार पहुँच गयी। डिविजनल कमिसनरेट क एक रिपोर्ट के हिसाब से, इहै समइ छत्रपति संभाजीनगर, जालना, परभणी, हिंगोली, नांदेड़ अउर लातूर जिलन के 119 गांवन अउर 55 बस्तियन मा 194 टैंकरन के जरिया पानी क सप्लाई कीन जा रही है।
रिपोर्ट मा ई भी बतावा गवा है कि बीड अउर धाराशिव मा जहाँ अभी तक कवनो टैंकर नाहीं लगावा गवा है, उहाँ प्रसासन पानी क सप्लाई बरे स्थानीय कुँअन का अपने कब्जे मा लय लिहिस है।
