पटना मा पेट्रोल-डीजल केतइ महंगा भवा, सीएनजी का का रेट अहै?

अमेरिका अउर इजराइल क ईरान क साथै जे जियुध चलत अहै, ओकर असर अब पेट्रोल-डीजल क कीमन पर परा अहै। आज से समूचे देस क साथै पेट्रोल अउर डीजल महंगा होइ गवा अहै। दुइनो क दाम मा तीन-तीन रुपिया क बढ़त भई अहै। मतलब इ कि अब पटना मा एक लीटर पेट्रोल बदे 108.67 रुपिया देइ क परी। वंही एक लीटर डीजल बदे 94.65 रुपिया देइ क परी। एतने नाहीं, सीएनजी क कीमत भी दुई रुपिया प्रति किलो तक बढ़ाय दीन गय अहै।

पटना मा 14 मई का का रहा पेट्रोल-डीजल अउर सीएनजी क रेट?

पटना मा 14 मई का सादा पेट्रोल 105.37 रुपिया प्रति लीटर, डीजल 91.65 रुपिया प्रति लीटर मिलत रहा। वंही सीएनजी 89 रुपिया प्रति किलो मिलत रहा। लेकिन, आज रात 12 बजे क बाद पेट्रोल अउर डीजल मा तीन रुपिया अउर सीएनजी मा दुई रुपिया क बढ़त कइ दीन गय। वंही प्रीमियम पेट्रोल पहिलेन से महंगा होइ गवा रहा। पटना मा प्रीमियम पेट्रोल 114 रुपिया प्रति लीटर मिलत अहै।

पंप पर पेट्रोल भरवावै आइल लोगन का कहेन, जानव?

हिंयव, पेट्रोल अउर डीजल क कीमन मा बढ़त देखि क लोग एकदम सुन्न रहि गयेन। डाकबंगला चौराहा पर बाइक मा पेट्रोल भरवावत अरुण कुमार कहेन कि पिछले कुछ दिनन से सरकार गाड़िन क उपयोग कम करै क बात कहत रही। आज अचानक से पेट्रोल क दाम तीन रुपिया बढ़ाय दीन गय। ई गलत अहै। एक बार मा एतनी ढेर कीमत नाहीं बढ़ावै क चाही। वंही सुनील सिंह कहेन कि हम सब हैरान अही। पहिले ही महंगाई एतनी बढ़ी अहै। अब पेट्रोल-डीजल महंगा होय से महंगाई अउर बढ़ी। परेशानी आम मनई का ही झेले क परी। गर्दनीबाग क विशेष कुमार कहेन कि अब अइसन लागत है कि हम सब का इलेक्ट्रिक गाड़ी ही रोज़मर्रा मा इस्तेमाल करै क परी। पहिलेन ही इथेनॉल वाला पेट्रोल आवै से बाइक क माइलेज कम होइ गय अहै। आज से पेट्रोल बदे प्रति लीटर 108 रुपिया देइ क परत अहै।