मुम्बई इंडियन्स गुरुवार का धर्मशाला मा खेलें गे मैच मा पंजाब किंग्स का छह विकेट से हराय दिहिस। इ जीत के बादौ मुम्बई का मायूस करै वाली खबरि मिली अहै। ओकरे बल्लेबाजी कोच कायरन पोलार्ड पर बीसीसीआई जुर्माना लगाय दिहिस अहै। आईपीएल कइती से सुक्कितवार का एक बयान जारी कइके इ बात क जानकारी दीन गयी अहै।
बयान मा बतावा गवा अहै कि मुम्बई के बल्लेबाजी कोच पोलार्ड पर मैच फीस क 15 फीसदी जुर्माना लगावा गवा अहै। एकरे अलावा ओकरे खाते मा एक डिमेरिट प्वाइंटौ जोड़ल गा अहै। पोलार्ड का आईपीएल क आचार संहिता के लेवल-1 के उल्लंघन क दोषी पावा गवा अहै।
चौथे अंपायर के साथे बुरा बेवहार
बयान के मुताबिक, पोलार्ड चौथे अंपायर के खिलाफ गंदी भासा क इस्तेमाल करे रहे जिकरे चलते उन पर जुर्माना लगावा गवा अहै। बयान मा लिखा अहै, पोलार्ड का आईपीएल क आचार संहिता के अनुच्छेद 2.3 के उल्लंघन क दोषी पावा गवा अहै जेहिमा गंदी भासा क इस्तेमाल करब शामिल अहै। इ मामला दूसरी पारी के 19वें ओवर क अहै जब पोलार्ड चौथे अंपायर के खिलाफ गंदी भासा क इस्तेमाल करे रहेन। बयान के मुताबिक, पोलार्ड मानि लिहिन हवैं कि उनसे गलती भई अहै अउर उ मैच रेफरी पंकज धारमानी क दी गयी सजा का स्वीकार कइ लिहिन हवैं।
मुम्बई का मिली जीत
जहाँ तक मैच क बात अहै तौ मुम्बई पंजाब का हराय के ओकरी प्लेऑफ क उम्मीदिन का तगड़ा झटका दिहिस अहै। इ पंजाब क लगातार पाँचवीं हारि अहै अउर अब ओका प्लेऑफ मा जाय बर अपने बचे भये दूनों मैच जीते का होई। पंजाब इ मैच मा पहिले बल्लेबाजी करत भये 20 ओवर मा आठ विकेट खोय के 200 रन बनाय रहा। मुम्बई क टीम एक गेंद पहिले चारि विकेट खोय के इ लक्ष्य का हासिल कइ लिहिस।
मुम्बई बर तिलक वर्मा जबरदस्त पारी खेलिन। उ 33 गेंद मा छह चौका अउर छह छक्का क मदद से नाबाद 75 रन क पारी खेलिन। ओकरे अलावा आखिरी मा विल जैक्स 10 गेंद मा दुई चौका अउर अतने ही छक्का क मदद से नाबाद 25 रन बनावत भये टीम का जीत दिलवाएन।
