अखिल भारतीय तृणमूल कांग्रेस शुकवार का तेल के दामन मा भई हालिया बढ़ती का लैकै भारतीय जनता पार्टी पै हमला बोलिस अउर आरोप लगाइस कि पच्छिम बंगाल मा नई सरकार के तहत चुनाव के टेम जउन वादा कीन गा रहा, ओका अउंई से पलटि दीन जात अहै। पार्टी X पै एक पोस्ट मा भाजपा के पच्छिम बंगाल वाले नेतृत्व पै निशाना साधिस अउर चुनाव से पहिले दीन गये वादन के पूरा करै पै सवाल उठाइन। पोस्ट मा लिखा रहा, “का भवा, तोहार वादा??! ई कतनी हँसी के बात अहै कि सुवेंदु अधिकारी बंगाल की जनता से कीन गये आपन वादन से मुकरै लागे हँय! का अब कार्रवाई करै का टेम नाहीं आय गवा अहै?”
तृणमूल कांग्रेस पेट्रोल अउर डीजल की बढ़ती कीमंतन का भी उजागर कीन, दिल्ली अउर कोलकाता मा कीमंतन के तुलना कीन अउर शासन संबंधी दावन मा मेल न खायब कै आरोप लगाइस। पार्टी कहिस कि एमएस (पेट्रोल) के दाम (रुपया प्रति लीटर): दिल्ली 97.77 (+3.00), कोलकाता 108.74 (+3.29)। एचएसडी (डीजल) के दाम (रुपया प्रति लीटर): दिल्ली 90.67 (+3.00), कोलकाता 95.13 (+3.11)। ई स्थिति का शासन कै नाकामी बतावत भए पोस्ट मा भाजपा के शासन मॉडल पै सीधा हमला करत भए लिखा गवा कि “डबल इंजन, डबल जुमला”।
शुकवार का देस भर मा पेट्रोल अउर डीजल के दामन मा 3 रुपया प्रति लीटर कै बढ़ती के बाद ई इजाफा भवा अहै। नई दिल्ली मा पेट्रोल कै दाम 94.77 रुपया से बढ़िकै 97.77 रुपया प्रति लीटर होइ गवा, जबकि डीजल कै दाम 87.67 रुपया से बढ़िकै 90.67 रुपया प्रति लीटर होइ गवा। पच्छिम एशिया मा चलि रहे लड़ाई के नाते दुनिया भर मा ऊर्जा संकट का लैकै बढ़ती फिकरन के बीच ई बढ़ती भई अहै। भू-राजनीतिक तनाव, खास तौर पै अमेरिका-इजराइल अउर ईरान के बीच 28 फरवरी का सुरू भई लड़ाई कच्चा तेल की सप्लाई मा रुकावट पैदा कइ दिहिस अउर ब्रेंट क्रूड के दाम 100 डॉलर प्रति बैरल से ऊपर पहुँचि गवा अहै।
दुनिया के सबसे जरूरी समुंदरी तेल ब्यापार रास्तन मा से एक, होर्मुज जलडमरूमध्य के लगे रुकावट अउर नाकेबंदी के बाद स्थिति अउर गंभीर होइ गई अहै। लड़ाई मा सामिल कइयौ पच्छिम एशियाई देस दुनिया भर मा खास तेल देय वाले देसन मा गिना जात हँय। दुनिया भर मा कच्चे तेल के दाम बढ़ै के बावजूद, केंद्र सरकार कै कहब अहै कि भारत के लगे काफी तेल कै भंडार अहै अउर देस मा पेट्रोलियम चीजन कै कौनों कमी नाहीं अहै।
अखिल भारतीय तृणमूल कांग्रेस शुकवार का तेल के दामन मा भई हालिया बढ़ती का लैकै भारतीय जनता पार्टी पै हमला बोलिस अउर आरोप लगाइस कि पच्छिम बंगाल मा नई सरकार के तहत चुनाव के टेम जउन वादा कीन गा रहा, ओका अउंई से पलटि दीन जात अहै। पार्टी X पै एक पोस्ट मा भाजपा के पच्छिम बंगाल वाले नेतृत्व पै निशाना साधिस अउर चुनाव से पहिले दीन गये वादन के पूरा करै पै सवाल उठाइन। पोस्ट मा लिखा रहा, “का भवा, तोहार वादा??! ई कतनी हँसी के बात अहै कि सुवेंदु अधिकारी बंगाल की जनता से कीन गये आपन वादन से मुकरै लागे हँय! का अब कार्रवाई करै का टेम नाहीं आय गवा अहै?”
तृणमूल कांग्रेस पेट्रोल अउर डीजल की बढ़ती कीमंतन का भी उजागर कीन, दिल्ली अउर कोलकाता मा कीमंतन के तुलना कीन अउर शासन संबंधी दावन मा मेल न खायब कै आरोप लगाइस। पार्टी कहिस कि एमएस (पेट्रोल) के दाम (रुपया प्रति लीटर): दिल्ली 97.77 (+3.00), कोलकाता 108.74 (+3.29)। एचएसडी (डीजल) के दाम (रुपया प्रति लीटर): दिल्ली 90.67 (+3.00), कोलकाता 95.13 (+3.11)। ई स्थिति का शासन कै नाकामी बतावत भए पोस्ट मा भाजपा के शासन मॉडल पै सीधा हमला करत भए लिखा गवा कि “डबल इंजन, डबल जुमला”।
शुकवार का देस भर मा पेट्रोल अउर डीजल के दामन मा 3 रुपया प्रति लीटर कै बढ़ती के बाद ई इजाफा भवा अहै। नई दिल्ली मा पेट्रोल कै दाम 94.77 रुपया से बढ़िकै 97.77 रुपया प्रति लीटर होइ गवा, जबकि डीजल कै दाम 87.67 रुपया से बढ़िकै 90.67 रुपया प्रति लीटर होइ गवा। पच्छिम एशिया मा चलि रहे लड़ाई के नाते दुनिया भर मा ऊर्जा संकट का लैकै बढ़ती फिकरन के बीच ई बढ़ती भई अहै। भू-राजनीतिक तनाव, खास तौर पै अमेरिका-इजराइल अउर ईरान के बीच 28 फरवरी का सुरू भई लड़ाई कच्चा तेल की सप्लाई मा रुकावट पैदा कइ दिहिस अउर ब्रेंट क्रूड के दाम 100 डॉलर प्रति बैरल से ऊपर पहुँचि गवा अहै।
दुनिया के सबसे जरूरी समुंदरी तेल ब्यापार रास्तन मा से एक, होर्मुज जलडमरूमध्य के लगे रुकावट अउर नाकेबंदी के बाद स्थिति अउर गंभीर होइ गई अहै। लड़ाई मा सामिल कइयौ पच्छिम एशियाई देस दुनिया भर मा खास तेल देय वाले देसन मा गिना जात हँय। दुनिया भर मा कच्चे तेल के दाम बढ़ै के बावजूद, केंद्र सरकार कै कहब अहै कि भारत के लगे काफी तेल कै भंडार अहै अउर देस मा पेट्रोलियम चीजन कै कौनों कमी नाहीं अहै।
