NEET परीक्षा मा भवा घपला क जांच मा CBI अब बहुतै कड़ाई बरत रही अहै। पूरे देस मा एजेंसी क कार्रवाई जारी अहै अउर एही बीचे पुणे से एक बड़ी कामयाबी हाथे लागी अहै। CBI पुणे क ‘मास्टरमाइंड’ कही जाय वाली प्रोफेसर मनीषा मंधारे का गिरफ्तार कइ लिहे अहै।
पुणे से भई बड़ी गिरफ्तारी
बतावा जा रहा अहै कि मनीषा मंधारे ई पूरे घोटाले क एक अहम कड़ी अहैं। CBI उनकर कइयौ ठिकाने पर छापेमारी कीनिस अउर ओकरे बाद ई गिरफ्तारी भई। मनीषा पर आरोप अहै कि उ परीक्षा मा धांधली करइ वाले गिरोह क मदद करत रहीं अउर एकरे पीछे कयौ मनई अउरौ सामिल होय सकत हैं।
पूरे देस मा CBI क शिकंजा
NEET घपला मामला मा CBI क टीमें अलग-अलग राज्यन मा लगातार छापेमारी कर रही अहैं। मनीषा मंधारे से पूछताछ मा कई अउर बड़े नामन क खुलासा होय क उम्मीद अहै। जांच एजेंसी अब ई पता लगावय मा जुटी है कि ई पूरा सिंडिकेट कइसे काम करत रहा अउर एका कौन-कौन बड़े लोगन क सहारा रहा। आवे वाले दिनन मा CBI अउरौ कइयौ जगह पर कार्रवाई कइ सकत अहै।
