पाकिस्तानी गेंदबाज के साथे भवा भयानक हादसा, मूँड़ मा लागी गंभीर चोट

पाकिस्तान के तेज गेंदबाज हसन अली का सिलहट मा बांग्लादेश के खिलाफ खेलल जा रहे दूसरे टेस्ट मैच के पहिले दिन गंभीर चोट लाग गयी है। हसन अली क ई चोट एतनी गंभीर रही कि उनका स्ट्रेचर पर लाद के मैदान से बाहर लै जायेक पड़ा। हसन अली के चोटिल होब पाकिस्तान खातिर बड़ा झटका आय। उ टीम के मुख्य गेंदबाज मा गिने जाते हैं। वैसेउ पहिला टेस्ट मैच हारै के बाद पाकिस्तान के टीम दबाव मा है अउर अइसन मा जउब उनकर मुख्य गेंदबाज चोटिल होइ जाइ या कउनो अउर खिलाड़ी चोटिल होइ, त परेशानी तौ बढ़िबे करी।

कैच पकड़त समै लाग गै चोट

पाकिस्तानी टीम ई मैच मा पहिले गेंदबाजी करत है। पारी के आठवां ओवर चलत रहा। हसन अली के सोझा बल्लेबाजी करत रहे तंजीद हसन। हसन एक छोटी गेंद फेंकिन जेका तंजीद डिफेंस करिन। गेंद हसन अली के लगे से निकरत रही। हसन अपने दाहिने तरफ डाइव मारि के कैच पकड़े के कोसिस करिन, मुला उ कैच नाहीं पकड़ पाइन अउर जब भुइँया मा गिरेन तौ उनकर मूँड़ बुरी तरह से टकराइ गवा। हसन अली के चेहरा पर दर्द साफै दिखाई पड़त रहा। उनके हालत देखि के फिजियो मैदान मा आए अउर थोरिक देर बाद हसन का स्ट्रेचर पर मैदान से बाहर जात देखल गवा। ई ओवर का फिर सलमान अली अगा पूरा करिन।

हसन अली करिन वापसी

हालांकि, पाकिस्तान के चिंता थोरै देर मा दूरि होइ गयी। आठ ओवर बाद यानी 16वें ओवर मा उ मैदान मा वापस आइ गएन। कप्तान शान मसूद 19वें ओवर मा उनसे गेंदबाजी भी करवाइन।