आजु उत्तरकाशी, रुद्रप्रयाग, चमोली, बागेश्वर अउर पिथौरागढ़ जिला के कुछु हिस्सा मा बिजली चमकै के साथै 40 किलोमीटर प्रति घंटा के रफ़्तार से तेज हवा चलै का ‘येलो अलर्ट’ जारी कीन गा है।
मई के महीना शुरू भये से अबहिन तक जेहन गर्मी से राहत मिलत रही, ऊ पिछले दुई दिनन से आँखि दिखावे लाग है। चाहे तापमान क आँकड़ा सामान्यै रहै, बाकी चटक घाम अउर तपत हवा परेशन करै लाग हिन। सबेरे से कड़कड़ात घाम अउर दुपहरी होत-होत तेज गर्म हवा के असर साफै देखाय पड़त है। खास कइके दुपहरी के बखत गर्मी ढेरै परेशन करै लाग है।
आँकड़न पर नजर डारी जाइ त दून मा दिन क जादा से जादा तापमान 35.8 डिग्री के साथै सामान्य रहा। हालांकि रात क कम से कम तापमान सामान्य से दुई डिग्री कम 20.1 डिग्री दर्ज कीन गा। पहाड़ वाले इलाकन मा भी दिन के समै चटक घाम थोड़ु देर तकि गर्मी क अहसास कराइस।
मौसम विज्ञान केंद्र कै ओर से जारी अनुमान के मुताबिक उत्तरकाशी, रुद्रप्रयाग, चमोली, बागेश्वर अउर पिथौरागढ़ जिला के कुछु हिस्सा मा बिजली चमकै के साथै 40 किलोमीटर प्रति घंटा के रफ़्तार से तेज हवा चलै का ‘येलो अलर्ट’ जारी कीन गा है। एकरे अलावा ऊँच इलाकन मा हल्की बरखा अउर बरफ गिरै क भी अंदाजा लगावा गवा है।
