पाकिस्तान के बलूचिस्तान प्रांत मा चार सुरक्षाकर्मी मारे गैन अउर सात जने घायल होइ गैन। बलूचिस्तान सरकार के प्रवक्ता शाहिद रिंद बताइन कि शनिच्चर क कुचलुक अउर नोहसर इलाका मा खुफिया जानकारी मिलै पर सुरक्षाकर्मी कार्रवाई करै गय रहे। नौ हमलावरन के मारे जाय क भी सूचना बा। घायल भयन क इलाज क्वेटा मा चलत अहै। पाकिस्तानी सुरक्षा बल बलूचिस्तान के अलग-अलग हिस्सन मा खुफिया जानकारी के आधार पर अभियान चलावत अहैं।
हियें, इतवार क उत्तर-पच्छिमी पाकिस्तान मा हमलावरन एक स्थानीय शांति समिति के चार सदस्यन क घात लगाइ क हत्या कइ दिहिन। ई घटना खैबर पख्तूनख्वा प्रांत के डेरा इस्माइल खान क कुलाची तहसील मा घटी। भारी हथियारन से लैस हमलावरन शांति समिति के सदस्यन पर गोलीबारी कीन। अबहीं तक कउनो भी समूह ई हमला क जिम्मेदारी नाहीं लिहिस है। हमलावरन समिति के एक सदस्य क अपहरण भी कइ लिहिन।
