‘दोस्ताना 2’ पर लटकी बंद होवे क तलवार

लम्बें अरसा से फिल्म निर्माता करण जौहर की बहुचर्चित फिल्म ‘दोस्ताना 2’ का नाम सुर्खियां बटोरत रहा है। कई सालन से एकर बनावे क कोशिश चलत है, लेकिन कउनो न कउनो कारण से ई फिल्म अटक जात है। पहिले एक-एक कइके लीड कास्ट फिल्म छोड़ दिहिन अउर उनकर जगह पे नवा कलाकार आ गए। अब खबर मिलत है कि डायरेक्टर भी ‘दोस्ताना 2’ क बनावे से मुंह मोड़ लिहिन है, जेसे करण जौहर क दिक्कत अउर बढ़ गई है। पूरा मामला का है, चला जानित है-

चर्चा में दोस्ताना 2

साल 2008 में आइ जान अब्राहम अउर अभिषेक बच्चन वाली फिल्म ‘दोस्ताना’ क सीक्वल ‘दोस्ताना 2’ बनावे क कोशिश में फिल्मकार करण जौहर काफी समय से लाग हैं। हालाँकि, इ फिल्म क राह में आवत बाधा कम होवे क नाम ही नाहीं लेत है। पहिले करण ई फिल्म अभिनेता कार्तिक आर्यन अउर लक्ष्य लालवानी के साथ बनावे वाले रहे। फेर उनके अउर कार्तिक के बीच कहा-सुनी भई अउर कार्तिक ‘दोस्ताना 2’ छोड़ दिहिन। फेर ई तय भवा कि ‘दोस्ताना 2’ अभिनेता लक्ष्य अउर विक्रांत मेस्सी के साथ बनाई जाई, जेका फिल्मकार कालिन डिकुन्हा निर्देशित करब। हालाँकि, फेर कुछ कारण से कालिन खुद के फिल्म से अलग कइ लिहिन। ओकरे बाद करण ‘लाल सिंह चड्ढा’ फिल्म के निर्देशक अद्वैत चंदन के निर्देशन क जिम्मेदारी सौंपे रहे। फिल्म क पटकथा पर भी दोबारा काम भवा, लेकिन अब खबर है कि अद्वैत भी ई फिल्म छोड़ दिहिन है।

सिनेमाई गलियारा क रिपोर्ट के अनुसार, अद्वैत ई फिल्म कउनो विवाद क कारण नहीं, बल्कि अपने व्यक्तिगत कारण से छोड़िन है। जेसे ‘दोस्ताना 2’ एक बार फेर अटक गई है। अब करण एक बार फेर अइसन निर्देशक क खोज शुरू कइ दिहिन है, जौन ‘दोस्ताना 2’ के उनके योजना के हिसाब से निर्देशित कर सके। वहीं लक्ष्य आने वाले दिनन में फिल्म ‘लग जा गले’ में अभिनेता टाइगर श्रॉफ के साथ नजर आवे वाले हैं।

दोस्ताना रही हिट

जॉन अब्राहम, अभिषेक बच्चन अउर प्रियंका चोपड़ा स्टारर ‘दोस्ताना’ फिल्म अपने समय क सफल फिल्मन में गिनी जात रही। बॉक्स ऑफिस पर फिल्म क प्रदर्शन बहुत शानदार रहा अउर ई एक हिट फिल्म साबित भई रही।