स्पेसएक्स के सीईओ एलन मस्क शनिवार का कहिन कि भारत मा जनम दर कम होइ गै है अउर ई रिप्लेसमेंट लेविल (प्रतिस्थापन स्तर) से नीचें गिर गै है। रिप्लेसमेंट ओका कहत हैं जवने स्तर पर आबादी न तौ बढ़त है अउर न घटत है, एकदम स्थिर बनी रहत है।
मस्क एक्स (X) पर पोस्ट कइके लिखिन, “भारत की जनम दर रिप्लेसमेंट लेविल से नीचें गिर गै है।” अउर तौ अउर, जउन लोग ढेर पढ़े-लिखे अहैं, ओनमें तौ भारत की जनम दर कबो के रिप्लेसमेंट लेविल से नीचें चली गै रही।
मस्क मीडिया आउटलेट ‘एएफ पोस्ट’ के आंकड़ा का हवाला दिहिन, जवने में ई कहा गा है कि भारत के इतिहास में पहली दाईं अइसन भवा है कि प्रजनन दर रिप्लेसमेंट से नीचें आ गै है। खाली दस साल के भीतर कुल प्रजनन दर (टीएफआर) 2.3 से घटके 1.9 हो गै है। दिल्ली का हाल तौ अउर खराब है, हुवाँ प्रजनन दर 1.2 है, जउन फिनलैंड से भी कम है।
‘एएफ पोस्ट’ द इकोनामिस्ट के चार जून के एक लेख का हवाला दिहिस, जवने का शीर्षक रहा- “भारत की जनसंख्या जल्द ही घटने लागी।”
