भारत मां से अवैध बांग्लादेशियन कय पहचान कय कय उनकर जबर्दस्ती वापसी (पुश-इन) कय बांग्लादेश बिरोध करत अहै। बांग्लादेश इतवार कय कहिस कि बीएसएफ अउर बीजीबी कय महानिदेशकेन कय वार्ता मां या मुद्दा पै चर्चा होई।
सीमा सुरक्षा बल (बीएसएफ) अउर बार्डर गार्ड बांग्लादेश (बीजीबी) कय बीच द्विवार्षिक 57वां महानिदेशक स्तर कय सीमा समन्वय सम्मेलन सोमार आठ जून से 11 जून तक नई दिल्ली मां आयोजित कीन जाई। या सम्मेलन मां बांग्लादेशी प्रतिनिधिमंडल कय अगुआई बीजीबी प्रमुख मेजर जनरल मोहम्मद अशरफुज्जमान सिद्दीकी करिहें, जबकि भारतीय टीम कय अगुआई बीएसएफ कय महानिदेशक प्रवीण कुमार करिहें।
बांग्लादेश कय गृह मंत्री सलाहुद्दीन अहमद कहिन, सीमा पै हाल-चाल, दुइ-देशीय सहयोग अउर खास कय पुश-इन कय मुद्दा बीजीबी द्वारा उठावा जाई। ध्यान देवय वाली बात अहै कि भारत कहत अहै कि केवल अवैध घुसपैठियन कय उचित प्रक्रिया अपनाय कय बांग्लादेश भेजा जात अहै।
या बात कय जानब जरूरी अहै कि भारत बांग्लादेश कय साथ 4,096 किलोमीटर लंबी अंतरराष्ट्रीय सीमा साझा करत अहै, जवने मां से लगभग 860 किलोमीटर हिस्सा मां बाड़ (फैंसिंग) नाहीं लागि अहै। दुनौ देशन कय बीच महानिदेशक स्तर कय सीमा वार्ता 1975 से 1992 कय बीच हर साल होई रही, बाकिर 1993 से या दुइ साल पै आयोजित कीन जात अहै।
