भारत-बांग्लादेश सीमा वार्ता आज से

भारत से अवैध बांग्लादेशियन कय पहचान कय कय उनकर जबरदस्ती वापसी (पुश-इन) कय बांग्लादेश विरोध करत अहै। बांग्लादेश रविवार कय कहिस कि बीएसएफ अउर बीजीबी कय महानिदेशिकन कय वार्ता मां एह मुद्दा पै चर्चा होई।

सीमा सुरक्षा बल (बीएसएफ) अउर बार्डर गार्ड बांग्लादेश (बीजीबी) कय बीच दुई बरसी 57वां महानिदेशक स्तरीय सीमा समन्वय सम्मेलन सोमवार आठ जून से 11 जून तक नई दिल्ली मां आयोजित कीन जई। एह सम्मेलन मां बांग्लादेशी प्रतिनिधिमंडल कय अगुआई बीजीबी प्रमुख मेजर जनरल मोहम्मद अशरफुज्जमान सिद्दीकी करिहैं, जबकि भारतीय टीम कय अगुआई बीएसएफ कय महानिदेशक प्रवीण कुमार करिहैं।

बांग्लादेश कय गृह मंत्री सलाहुद्दीन अहमद कहिन, सीमा पै स्थिति, दुई-पक्षीय सहयोग अउर खास कय पुश-इन कय मुद्दा बीजीबी द्वारा उठाय जई। गौरतलब अहै कि भारत कय कहना अहै कि खाली अवैध घुसपैठियन कय सही प्रक्रिया कय पालन करत भवा बांग्लादेश वापस भेजा जात अहै।

येहु ध्यान देय वाली बात अहै कि भारत बांग्लादेश कय साथ 4,096 किलोमीटर लंबी अंतरराष्ट्रीय सीमा साझा करत अहै, जवने मां से लगभग 860 किलोमीटर हिस्सा मां बाड़ (फैंसिंग) नाहीं लागि अहै। दुनों देशन कय बीच महानिदेशक स्तर कय सीमा वार्ता 1975 से 1992 के बीच हर साल आयोजित कीन जात रही, मुदा 1993 से इ दुई साल पै आयोजित कीन जात अहै।