यूक्रेन कै उत्तर-पूर्वी खार्किव इलाका मां मङ्गरवार भिनुसार रूस फिर भयंकर बमबारी करिन, जवने मां एक 22 बरिस कै मेहरारू समेत चार नागरिकन कय मौत होइ गवा अउर 10 अउर लोग गम्भीर रूप से घायल होइ गय।
खार्किव कै गवर्नर ओलेग सिनेगुबोव कय मुताबिक, रूसी फौज चुगुइव सहर कय निशाना बनाइ कय इ हमला करिन। इ हमला कै कारन रिहायसी इलाकन मां भारी आग लागि गवा, जवने से बहुमंजिला इमारत कै तगड़ा नुक़सान भवा अउर कम से कम 18 गाड़ी मलबा मां बदल गय।
खार्किव इलाका कै गवर्नर ओलेग सिनेगुबोव टेलीग्राम पर लिखिन, दुश्मन चुगुइव सहर पर हमला करिन ह, इ हमला मां 22 बरिस कै मेहरारू समेत चार लोग मारि गय ह। ओही ओर, खार्किव कै मेयर इगोर तेरेखोव बताइन कि उनकर सहर मां 10 लोग घायल भय ह।
हाल कै महीना मां रूस कय तरफ से रिहायसी इलाकन पर कीन्ह जाइ वाले हमलन मां तेजी आइ ह। अप्रैल मां छपा संयुक्त राष्ट्र कै एक अनुमान कय मुताबिक, रूस द्वारा फरवरी 2022 मां आक्रमण सुरु करय कै बाद से यूक्रेनी इलाकन मां कम से कम 15,850 नागरिक मारि गय ह। संयुक्त राष्ट्र कै आंकड़ा कय मुताबिक, रूस कय नियन्त्रण वाले इलाकन मां 2,800 से जियादा नागरिक मारि गय ह, जबकि यूक्रेन अउर रूस कय कब्जा वाले इलाकन मां 44,800 से जियादा लोग घायल भय ह।
